મુશ્કેલી / સુરત શહેરમાં ફરી ખાડીપૂરની દહેશત, નીચાણવાળા વિસ્તારોમાં ભરાયા પાણી

• સુરત શહેરમાં ફરી ખાડીપૂરની દહેશત
• મીઠીખાડીનું જળસ્તર વધતા નીચાણવાળા વિસ્તારોમાં ભરાયા પાણી
• ખાડીપૂરને પહોંચી વળવા પ્રશાસન અલર્ટ

સુરત શહેરમાં ફરી ખાડીપૂરની દહેશત

સુરત શહેરમાં ફરી ખાડીપૂર આવ્યું છે. મીઠીખાડીનું જળસ્તર વધતા નીચાણવાળા વિસ્તારોમાં પાણી ભરાયા છે. કમરુંનગરમાં ખાડીના પાણી ફરી વળ્યા છે. એક સપ્તાહમાં ત્રીજીવાર લીંબાયતના કમરુંનગરમાં પાણી ભરાયા છે. ખાડીપૂરને પહોંચી વળવા પ્રશાસન અલર્ટ થઇ ગયું છે. ખાડીઓ પર ડિવોટરિંગ મશીન મુકવામાં આવ્યા છે.
 

સુરત જિલ્લાની કીમ નદીનું જળસ્તર વધ્યું

સુરત જિલ્લાની કીમ નદીના જળસ્તરમાં વધારો થયો છે. નદીના જળસ્તરમાં વધારો થતા બ્રિજ પાણીમાં ગરકાવ થયા છે. મોટા બોરસરા ગામે આવેલા 2 બ્રિજ પાણીમાં ગરકાવ થયા છે. બ્રિજ પાણીમાં ગરકાવ થતા આસપાસના ગામોની ચિંતા વધી છે. માંગરોળના કીમ નદીના 20 ગામોને કરાયા અલર્ટ કરવામાં આવ્યા છે.
 

સુરતમાં તાપી નદીનું રૌદ્ર સ્વરૂપ

સુરતમાં તાપી નદીનું રૌદ્ર સ્વરૂપ જોવા મળી રહ્યું છે. તાપી નદીમાં પાણીની આવકના કારણે રાંદેર નજીકનો કોઝવે 3 મીટરથી ઓવરફ્લો થઇ ગયો છે. ઉકાઇ ડેમમાંથી પાણી છોડવામાં આવ્યું છે. ત્યારે છેલ્લા 15 દિવસથી કોઝવે ઓવરફ્લો થઇ રહ્યો છે. કોઝવેની જળસપાટી 9.32 મીટર થઇ છે. જ્યારે ભયજનક સપાટી 6 મીટર છે.