ગુજરાતમાં હાલ છેલ્લા ઘણા દિવસોથી મુશળધાર વરસાદ વરસી રહ્યો છે. રાજ્યના કેટલાંક જિલ્લાઓમાં મેઘકહેર જોવા મળી હોય તેમ જોવા મળી રહ્યું છે. સુરતમાં છેલ્લા એક સપ્તાહમાં પડેલા ભારે વરસાદના પગલે ડાંગરના પાકમાં નુકસાન થતાં ખેડૂતો મુશ્કેલીમાં મુકાયાં છે.
સુરતમાં એક સપ્તાહમાં પડેલા ભારે વરસાદથી ખેડૂતો મુશ્કેલીમાં
ભારે વરસાદના પગલે ડાંગરના પાકને નુકસાન
ડાંગરના પાકને અંદાજે 100 કરોડ જેટલું નુકસાન
સુરતમાં એક સપ્તાહમાં પડેલા ભારે વરસાદખી ખેડૂતો મુશ્કેલીમાં મુકાયા છે. ભારે વરસાદના પગલે ડાંગરના પાકને મોટું નુકસાન થયું છે.
સુરતના ઓલપાડ સહિતના તાલુકાઓમાં ખેડૂતોને નુકસાન થયું છે. ભારે વરસાદથી ખેતરોમાં પાણી ભરાતા ડાંગરના પાકને અંદાજે 100 કરોડ જેટલું નુકસાન થયું છે.
સુરત તેમજ તેની આસપાસના વિસ્તારમાં 38 હજાર હેક્ટરથી વધુમાં ડાંગરનું વાવેતર કરવામાં આવ્યું છે. આડેધડ બનેલા ઝિંગા તળાવોથી ખેતરોમાં પાણી ભરાવાની સમસ્યા સર્જાઇ છે. પાણીના નિકાલની કોઇ વ્યવસ્થા ન હોવાથી ડાંગર સહિતના શાકભાજીના પાકને પણ વ્યાપક નુકસાન થયું છે.