રાક્ષબંધન અને સ્વાતંત્રતા દિવસ 15મી ઓગસ્ટના રોજ છે. ત્યારે સુરતમાં તહેવારને લઇને બજારોમાં ખરીદી શરૂ થઇ ગઇ છે. બીજી બાજુ શાળાઓમાં વિદ્યાર્થીઓ દ્વારા ઉજવણી શરૂ કરી દેવામાં આવી છે.
સુરતના ગુરૂકુલના વિદ્યાર્થીઓ દ્વારા સ્વતંત્રતા દિવસ અને રક્ષાબંધનની અનોખી રીતે ઉજવણી કરવામાં આવી છે. તિરંગાની સાથે વિદ્યાર્થીઓએ રાખડી બનાવી હતી. વિદ્યાર્થીઓએ મળીને સ્વતંત્ર્ય પર્વ અને રક્ષાબંધનની એક સાથે ઉજવણી કરી હતી. 640 જેટલા વિદ્યાર્થીઓએ માનવ સાંકળ બનાવીને રાખડી બનાવી હતી.
રક્ષાબંધનના તહેવારને લઈને બજારોમાં લોકોનો ઘસારો જોવા મળી રહ્યો છે. સુરતમાં રક્ષાબંધનને લઈને બજારોમાં અવનવી મિઠાઇઓ જોવા મળી રહી છે.
મહત્વનું છે કે, સુરતમાં અલગ અલગ સંસ્થાઓ દ્વારા રક્ષાબંધનની ઉજવણી કરવામાં આવી રહી છે. એક યુવા ગૃપ દ્વારા ફૂલોની રાખડી બનાવવામાં આવી. યુવાનો દ્વારા ફૂલોની મદદથી રાખડી આકરાની રંગોળી બનાવવમાં આવી. વડાપ્રધાન મોદીના ફોટોને તેની પર મૂકીને અને તિલક કરવામાં આવ્યું હતું. તેવી જ રીતે યુવાનોએ પીએમ નરેન્દ્ર મોદીને શુભેચ્ઠા પાઠવી હતી.
અત્રે ઉલ્લેખનીય છે કે, થોડા દિવસ અગાઉ સુરતમાં 370ની કલમ મામલે અનોખી ઉજવણી કરવામાં આવી હતી. વેડ રોડ ગુરુકુળના 500 જેટલા વિદ્યાર્થીઓ દ્વારા આ ઉજવણી કરવામાં આવી હતી. વિદ્યાર્થીઓએ માનવ કૃતિ બનાવી 370ની કલમ દૂર થવાના દ્રશ્યો બનાવી ઉજવણી કરી હતી.