સુરતમાં ફરી એક વીડિયો વાયરલ થયો છે. જેમાં ગુજરાત પોલીસની વરવી વાસ્તવીકતા સામે આવી છે. લારી ગલ્લા વાળાઓ પાસે દાદાગીરીનો વીડિયો સામે આવ્યો છે જો કે VTV આ વીડિયોનું સમર્થન કરતું નથી.
સુરતમાં ખાખીને શર્મસાર કરતો વીડિયો વાયરલ
પોલીસ દ્વારા દુકાનદારોને હેરાનગતિ કરતો વીડિયો
પુણા કેનાલ BRTS રોડ પાસેની ઘટના
સુરતમાં ખાખીને શર્મસાર કરતો વીડિયો વાયરલ થયો છે. જેમાં પોલીસ દ્વારા દુકાનદારોને હેરાનગતિ કરવામાં આવી રહી છે. પુણા કેનાલ બીઆરટીએસ રોડ પાસે લારી લઇને ઉભા રહેતા ગરીબ લારીવાળાઓને પોલીસ પરેશાન કરી રહી છે.
શું છે આક્ષેપ?
તેઓને આક્ષેપ છે કે પોલીસકર્મીઓ ખાવાનું લઇ જાય છે પરંતુ પૈસા નથી આપતા. અને જ્યારે સામે પૈસા માગવામાં આવે તો ધમકી આપે છે. પોલીસકર્મીઓ 10-10 પાર્સલ કરાવે છે અને પૈસા નથી આપતા. ત્યારે એક મહિલા દુકાનદારે પોલીસની કરતૂતોનો વીડિયો બનાવી વાયરલ કરી દીધો છે. ત્યારે સવાલ એ છે કે શું મફતની ખાવાની આદત પડી ગઇ છે?. કેટલાક આવા પોલીસકર્મીઓના કારણે સમગ્ર પોલીસ વિભાગ પર દાગ લાગે છે. ગરીબ દુકાનદારોને કેમ હેરાન કરવામાં આવે છે?. પોલીસકર્મીઓ ખાવાનું લઈ કેમ પૈસા નથી આપતા?
પોલીસકર્મી- કંઇ નહીં નાસ્તો લેવાનો છે.
દુકાનદાર- સાહેબ અહિંયા પૈસા આપીને લે છે. પુણા પોલીસ સ્ટેશન કે કોઇ પોલીસવાળાને સેવા કોઇ નથી આપતું.
પોલીસકર્મી- આ તમારુ જ છે બધી લારી.
દુકાનદાર- બધા સાથે જ છે.
પોલીસકર્મી- સારું હટી જા તું હટી જા અહીંયાથી.
દુકાનદાર- તુ તારીથી સાહેબ વાત ન કરો.
પોલીસકર્મી- ચલ ગાડી જવા દે મારે કંઇ નથી જોઇતું. લારીઓ બંધ કરી દેજો આ...
સળગતા સવાલ
શું મફતની ખાવાની આદત પડી ગઇ છે?
દુકાનદારોને કેમ હેરાનગતિ કરવામાં આવે છે?
પોલીસકર્મીઓ ખાવાનું લઈ કેમ પૈસા નથી આપતા?
પોલીસકર્મીઓ 10-10 પાર્સલો કરાવીને પણ કેમ પૈસા નથી ચૂકવતા
ગરીબ દુકાનદાર રૂપિયા માગે તો ધમકી આપવાની?