પોલીસ પ્રજાની સુરક્ષા માટે છે પણ રક્ષક જ ભક્ષક બને તો? ગુજરાતમાં એક પછી એક પોલીસના વિવાદ સામે આવી રહ્યા છે. સુરત પોલીસ ફરી વિવાદમાં આવી છે.
ફરિયાદમાં નામ હોવા છતાં પોલીસે ન કહ્યું નામ
સ્કૂલ-ટ્રસ્ટીનું નામ જણાવવામાં અનુભવી નાનમ
ચુની ગજેરા પૂર્વ MLA ધીરુ ગજેરાના ભાઈ છે
ગુજરાત પોલીસ ધીરે ધીરે પ્રજાનો વિશ્વાસ ગુમાવી રહી છે. એક પછી એક પોલીસના વિવાદ સામે આવી રહ્યા છે. PSI શ્વેતા જાડેજા અને PI રાઠોડનો તોડકાંડ સામે આવ્યો છે ત્યારે સુરત પોલીસ ફરી વિવાદમાં આવી છે. સુરતમાં ગજેરા ગ્લોબલ સ્કૂલના ટ્રસ્ટી સામે શિક્ષિકાએ છેડતીની ફરિયાદ કરી છે. ત્યારે હવે સુરત પોલીસ ગજેરાના ટ્રસ્ટી ચુની ગજેરાના વ્હારે આવી હોવાનું લાગી રહ્યું છે.
પોલીસ પર રાજકીય દબાણ હોય તેવું પણ ચર્ચાઇ રહ્યું છે
પોલીસે છેડતી કેસ મામલે પ્રેસ વાર્તા કરી પરંતુ તેમા ચુની ગજેરાનું નામ પણ ન જણાવ્યું. ફરિયાદમાં ચુની ગજેરાનું નામ હોવા છતા પણ પોલીસે સ્કૂલ અને ટ્રસ્ટીનું નામ જણાવ્યું નહીં. ચુની ગજેરા પૂર્વ ધારાસભ્ય ધીરુ ગજેરાના ભાઇ પણ છે. જેને લઇ પોલીસ પર રાજકીય દબાણ હોય તેવું પણ ચર્ચાઇ રહ્યું છે.