લગ્નની મોસમ જામી છે. ત્યારે સુરતમાં એક યુવક યુવતીનાં પણ લગ્ન નક્કી થયાં હતાં. જે ફેબ્રુઆરીમાં થવાનાં હતાં. બન્ને એક બીજા સાથે લગ્નગ્રંથીથી જોડાય એ પહેલા ભાઈ-બહેનનાં સંબંધમાં બંધાઈ ગયાં. આવી અજીબો ગરીબ ઘટનાએ લોકોમાં ચર્ચા જગાવી છે એવું તો શું બન્યુ હતું પતિ-પત્નીની જગ્યાએ ભાઈ બહેન કેમ બન્યા?
સુરતમાં વેવાઈ વેવાણને લઈને ભાગી ગયા
પતિ પત્ની બનવા માંગતુ યુગલ ભાઈ-બહેન બની ગયું
હજુ સુધી બન્ને જણાની કોઈ ભાળ મળી નથી
સુરતમાં એક યુવક અને યુવતીનાં લગ્ન નક્કી થયાં હતાં. જે બન્ને ફેબ્રુઆરીમાં લગ્નગ્રંથીથી જોડાવાનાં હતાં. જોકે એ પહેલા યુવતીની માતા અને યુવકનાં પિતા વાર ફરથી ઘરેથી ભાગી ગયાં. પોલીસે આ અંગે જાણ કરતા પોલીસે તપાસ હાથ ધરી હતી જેમાં આ ચોંકાવનારી ઘટનાં સામે આવી હતી.
બન્ને એકબીજાને ઘણાં વર્ષોથી જાણતા હતા
યુવતીની માતા અને યુવકનાં પિતા એકબીજાને લાંબાં સમયથી ઓળખતા હતાં. એકબીજાને પ્રેમ કરતાં હતાં. કોઈક કારણોસર તેમનાં લગ્ન નહોતા થઈ શક્યાં જોકે તેમનાં સંતાનો એકબીજા સાથે લગ્ન કરવા જઈ રહ્યાં હતાં. તેનાં એક મહિનાં પહેલા જ યુવકનાં પિતા અને યુવતીની માતા ભાગી ગયાં હતાં. સુત્રોમાં ચર્ચાઈ રહ્યું છે કે બન્નેએ લગ્ન પણ કરી લીધા છે. આ ઘટના બાદ યુવક અને યુવતીનાં લગ્ન ફોક નિવડ્યા હતા. આ ઘટનાં બાદ આ યુગલે લગ્નગ્રંથીથી જોડાવાનું માંડી વાળ્યું હતું. ઉલ્લેખનીય છે કે પોલીસને જાણ કર્યાના 10 દિવસ થયા હોવા છતાં હજુ સુધી પોલીસને આ બંને વિશે કોઈ જાણકારી મળી નથી.