મોડલિંગના ગ્લેમરસ વર્લ્ડના સપના જોતી દીકરીઓ માટે લાલબત્તી સમાન એક કિસ્સો સામે આવ્યો છે. મોડલ બનવા ઘરેથી ભાગી ગયેલી સુરતના લિંબાયત વિસ્તારની ઘોરણ-8માં અભ્યાસ કરતી કિશોરી ગેંગરેપનો ભોગ બની હોવાનું સામે આવ્યું છે.
દીકરીઓ માટે લાલબત્તી સમાન કિસ્સો
મોડલ બનવા ઘરેથી ભાગી હતી કિશોરી
કિશોરી સાથે સામુહિક દુષ્કર્મ, તમામ આરોપીઓ સકંજામાં
દિકરીઓ માટે લાલબત્તી સમાન કિસ્સો
સુરત શહેરમાં દીકરીઓ માટે એક લાલબત્તી સમાન કિસ્સો સામે આવ્યો છે. મોડલિંગના ગ્લેમરસના સપના જોતી કિશોરીના જ બે મિત્રોએ તેના પર બળાત્કાર ગુજાર્યો અને ત્યાર બાદ રિક્ષાચાલકને કિશોરીને સોંપતા રિક્ષાચાલકે પણ બળાત્કાર ગુજાર્યો હતો.
ઘર છોડી ભાગેલી કિશોર ગેંગરેપનો ભોગ બની
સુરતના લિંબાયતમાંથી મોડલ બનવા ઘરેથી ભાગી ગયેલી કિશોરીને રસ્તામાં સગીર પ્રેમી મળ્યો. ત્યારબાદ તેનો પ્રેમી અને મિત્ર કિશોરીને દેવધ ગામની સીમમાં લઇ ગયા હતા. જ્યાં તેના પર સામુહિક દુષ્કર્મ આચર્યું હતું. ત્યારબાદ એક રીક્ષામાં બેસાડી અને ત્યાંથી જતા રહ્યાં હતા. ત્યારે રીક્ષાચાલકે પણ તેને રેલવેસ્ટેશન લઇ જવાના બદલે તેના ઘરે લઇ જઇ દુષ્કર્મ આચર્યું હતું.
બીજી બાજુ કિશોરી ઘર છોડીને જતી રહી હોવાથી માતા-પિતાએ પોલીસ સ્ટેશનમાં ફરિયાદ કરી હતી. જેમાં પ્રેમી ભગાડી ગયો હોવાની શંકા વ્યક્ત કરી હતી. ત્યારે પોલીસે સગીર વયના પ્રેમીની પુછપરછ કરતા કરતૂતો બહાર આવી હતી. પોલીસે હાલ સગીર વયના બંને મિત્રો અને રીક્ષાચાલકની અટકાયત કરી વધુ તપાસ હાથ ધરી છે.