સુરતના વરાછા વિસ્તારમાં અમર જવેલર્સમાં ચાર દિવસ પહેલા થયેલી ફાયરિંગમાં પોલીસ વધુ બે આરોપીઓની ધરપકડ કરી છે. પોલીસે અમરેલીમાંથી વધુ બે આરોપીઓની ધરપકડ કરી છે. ચાર દિવસ પહેવા ત્રણ શખ્સો જવેલરીની દુકાનમાં જમીન પ્રકરણમાં ધમકી આપ્યા બાદ ફાયરિંગ કરીને ફરાર થયા હતા. આ ત્રણેય શખ્સો દુકાનના CCTVમાં કેદ થયા હતા. CCTVના આધારે પોલીસે ગણતરીના કલાકોમાં એક આરોપી વિજય કરપાડાની ધરપકડ કરી હતી. વિજયની પુછપરછ કરતા અન્ય બે શખ્સો અમરેલીમાં હોવાની પોલીસને જાણ થઈ. પોલીસની એક ટીમે અમરેલીમાં જઈને બે શખ્સોની ધરપકડ કરી છે.
સુરત ફાયરિંગના વધુ બે આરોપી ઝડપાયા
અમરેલીમાંથી બે આરોપીઓની ધરપકડ
મહેન્દ્ર અને કપિલની પોલીસે કરી ધરપકડ
સુરતના વરાછા વિસ્તારમાં આવેલા અમર જવેલર્સમાં ધોળે દિવસે 6 રાઉન્ડ ફાયરિંગ કરવામાં આવ્યા હતાં. આ ફાયરિંગની ઘટનામાં એક કર્મચારીને પેટના ભાગે ઇજા થતાં સારવાર માટે ખસેડવામાં આવ્યા છે. સુરત જિલ્લાના કામરેજ ખાતે આવેલી જમીન પ્રકરણમાં ધમકી આપ્યા બાદ ફાયરીંગ કરવામાં આવ્યું હોવાની વાત ચર્ચાઇ રહી છે.
3 શખ્સ પોલીસને ઝબ્બે
ફાયરીંગ કરનારા 3 શખ્સોમાંથી એક શખ્સને ઘટના ઘટી ત્યારે જ ઝડપી પાડ્યો હતો. જયારે પોલીસ અન્ય 2 આરોપીઓની તપાસ હાથ ધર હતી.
ફાયરીંગનું કારણ શું?
3 શખ્સો વરાછા મિની બજારમાં આવેલી જ્વેલરીની દુકાનમાં લૂંટના ઈરાદે ઘૂસ્યા અને ફાયરિંગ કર્યું. ફાયરિંગ કરનારા એક શખ્સને ઝડપી લેવાયો. બીજા બે શખ્સો ફરાર થઈ ગયા હતા જેમને ઝડપી લેવાયા. હાલ આ સમગ્ર મુદ્દે પોલીસે વધુ તપાસ હાથ ધરી છે.