તક્ષશિલા અગ્નિકાંડ / દોઢ મહિના બાદ બિલ્ડર પોલીસ સ્ટેશનમાં થયો હાજર

અગ્નિકાંડના છેલ્લા દોઢ મહિનાથી બિલ્ડર સવજી પાઘડાળ અમેરિકામાં ફરતો હતો. ત્યાર બાદ 15 દિવસથી સુરત નાસતો ફરતો હતો. ત્યારે હવે આરોપી બિલ્ડર પોલીસ સ્ટેશનમાં  હાજર થયો છે. અત્યાર સુધી પોલીસે કુલ 11 આરોપીઓને ઝડપી પાડ્યા છે. અગ્નિકાંડ મામલે હજુ પણ 2 અધિકારીઓ ફરાર છે.

તો આ મામલે 7 જેટલા અધિકારીઓએ જામીન માટે અરજી કરી છે. આરોપીઓએ કરેલી અરજી પર આજે સુનાવણી હાથ ધરાશે. આ પહેલા સુનાવણી દરમિયાન સરકાર તરફથી દલીલ કરવામાં આવી હતી. સરકારી વકીલે જામીન ન આપવા માટે રજૂઆત કરી છે. આ મામલે ક્રાઈમ બ્રાંચે તપાસ દરમિયાન આરોપીઓની ધરપકડ કરી. હાલમાં તમામ આરોપીઓ લાજપોર જેલમાં છે.