દૂર્ઘટના / સુરતમાં રઘુવીર ટેક્ષટાઈલ માર્કેટ લાગેલી આગનું અત્યાર સુધીનું અપડેટ જાણો

• પરોઢીયે 3થી 3.30 વાગ્યાની આસપાસ આગ લાગી
• ચોથા અને પાંચમા માળે હજુ પણ આગ છે ચાલુ
• ગ્રાઉન્ડ ફ્લોર પરના જનરેટરમાંથી આગ લાગ્યાનું અનુમાન
• ગ્રાઉન઼્ડ, પ્રથમ અને બીજો માળ બળીને ખાખ

સુરતના રઘુવીર સિલિયમ માર્કેટમાં રાતે 3 વાગે ભીષણ આગ લાગી હતી જે ધીરે ધીરે વિકરાળ બની હતી. 70 થી વધુ ફાયર વિભાગની ગાડીઓ, 4 હાઈડ્રોલિક ફાયર ફાઈટર અને 3 હાઈડ્રોલિક ફુવારાની મદદથી આગ બુઝાવવાની પ્રયાસો થઈ રહ્યા છે. ચોથા અને પાંચમા માળે હજુ પણ આગ ચાલુ છે. આ માર્કેટમાં 800થી વધુ દુકાનો આવેલી છે. અત્યાર સુધીમાં રૂા. 30 કરોડથી વધુનું નુકાસાન થઈ ચુક્યુ હોવાનો અંદાજ લગાવાઈ રહ્યો છે. ગ્રાઉન઼્ડ, પ્રથમ અને બીજો માળ બળીને ખાખ થઈ ચૂક્યો છે. 

આગ મામલે અત્યાર સુધીનું અપડેટ 

• પરોઢીયે 3થી 3.30 વાગ્યાની આસપાસ આગ લાગી
• 4 વાગે ફાયરવિભાગની ટીમને જાણ કરવામાં આવી
• 4 વાગીને 5 મિનિટે ફાયરવિભાગની ટીમ પહોંચી
• 4 વાગીને 20 મિનિટે અન્ય ટીમને જાણ કરાઈ
• 6 વાગે બ્રિગેડ કોલ જાહેર કરાયો
• 6 વાગીને 10 મિનિટે અન્ય ટીમ પહોંચી
• 8 વાગે સુરત જિલ્લાના અધિકારીઓની ટીમ પહોંચી
• 10 વાગીને 30 મિનિટે કલેકટર ધવલ પટેલ પહોંચ્યા
• 11 વાગીને 30 મિનિટે બીજા અને ત્રીજા માળે ફરી આગ લાગી 
• 12 વાગીને 5 મિનિટે NDRFની ટીમ પહોંચી