સુરતમાં ફરીથી આગ લાગી હતી. હાલ આગ પર કાબૂ મેળવી લેવાયો છે
સુરતના સગરામપુરા વિસ્તારમાં લાગેલી આગ કાબૂમાં
અપાર્ટમેન્ટમાં લાગી હતી આગ
રહીશો અપાર્ટમેન્ટના ચોથા માળેથી બીજા અપાર્ટમેન્ટમાં પહોંચ્યા
સુરતમાં ફરીથી આગ લાગી હતી. હાલ આગ પર કાબૂ મેળવી લેવાયો છે પરંતુ આ આગમાં કોઈ જાનહાની નહોતી થઈ. પણ રહેણાંક વિસ્તારમાં લાગેલી આ આગને કારણે અફરા તફરીનો માહોલ સર્જાયો હતો અને રહીશોએ બહાર નીકળવા માટે દરવાજાને બદલે બારીનો રસ્તો અપનાવ્યો હતો. રહીશો અપાર્ટમેન્ટના ચોથા માળેથી બીજા અપાર્ટમેન્ટમાં પહોંચ્યા હતા. શોર્ટ સર્કિટના કારણે આગ લાગી હતી. ફાયર બ્રિગેડે આગ પર કાબૂ મેળવ્યો છે.
શું હતી ઘટના?
સુરતના સગરામપુરા વિસ્તારમાં આવેલા એપાર્ટમેન્ટમાં અચાનક આગ લાગી ગઈ હતી. રમીઝ એપાર્ટમેન્ટની ગલીમાં જમણી તરફ આવેલા એપાર્ટમેન્ટમાં આગ લાગી હતી. શોર્ટ સર્કિટને કારણે આગ લાગી હતી. તુરંત જ ફાયરબ્રિગેડ ઘટના સ્થળે પહોંચ્યુ હતુ અને આગ પર કાબૂ મેળવી લેવામાં આવ્યો હતો.