અમદાવાદમાં બાળકોની હોસ્પિટલમાં આગની ઘટના બાદ સુરત ફાયર વિભાગે તમામ ઝોનમાં સપાટો બોલાવ્યો છે. સુરત ફાયર સેફ્ટીને લઇ દુકાનો સીલ કરી દેવાઇ છે. ફાયર વિભાગે 1000થી વધુ દુકાની સીલ કરી દીધી છે.
શોપિંગ સેન્ટરોમાં ફાયર સેફ્ટીના અભાવને લઇ કાર્યવાહી કરવામાં આવી છે અને આગામી દિવસોમાં પણ ફાયર સેફ્ટીને લઇ આ કામગીરી ચાલું રહેશે. ત્યારે મનપાની આ કામગીરીથી દુકાન માલિકો અને શોપિંગ સેન્ટરોમાં ફફડાટ જોવા મળી રહ્યો છે.
ફાયર વિભાગ દ્વારા શહેરના 100 જેટલા કોમર્શિયલ કોમ્લેક્ષને ફાયર સેફ્ટીની સુવિધા ઉભી કરવા માટે નોટીસ પાઠવવામાં આવી હતી. ફાયર વિભાગ દ્વારા ચેકિંગ હાથ ધરવામાં આવ્યું હતું. જેમાં ફાયર સેફ્ટીની સુવિધા ન હોવાનું ધ્યાને આવતા પહેલાં નોટીસ ફટકારી ફાયરની સુવિધા ઉભી કરવા જણાવવામાં આવ્યું હતું. જોકે, આજે સાત ઝોનમાં અલગ અલગ 10 ટીમ બનાવી કાર્યવાહી હાથ ધરવામાં આવી છે. જેમાં અલગ અલગ ઝોનના 16 જેટલા કોમ્લેક્ષને ફાયરની અપૂરતી સુવિધાના કારણે સીલ મારવામાં આવ્યા છે.