સુરતઃ ખેત તલાવડી કૌભાંડમાં ધરપકડનો દોર યથાવત્ રહ્યો છે. સુરત ACBએ વધુ બે અધિકારીઓની ધરપકડ કરી છે. ખેંગાર ગઢવી અને બાબુ પટેલની ACBએ ધરપકડ કરી છે.
ખેંગાર ગઢવીના ઘરેથી રૂ. 4.60 લાખ રોકડ અને દસ્તાવેજો મળ્યા છે. ખેત તલાવડી કૌભાંડમાં અત્યાર સુધી 8 અધિકારીની ધરપકડ કરી છે. ACBએ 11 શખ્સો સામે ગુનો નોંધ્યો હતો.
ખેત તલાવડી કૌભાંડમાં ACBએ વલસાડ અને ડાંગ બાદ સુરતમાં સપાટો બોલાવ્યો હતો. ખેતરોમાં નહીં પરંતુ સુરત જિલ્લામાં કાગળ ઉપર 23 ખેત તલાવડી હોવાના કૌભાંડનો ACBએ પર્દાફાશ કર્યો હતો.
GLDCના અધિકારીઓએ સરકાર પાસેથી યોજના પેટે લાખોની ઉચાપત કરી હતી. જે મામલે વધુ તપાસ હાથ ધરવામાં આવી હતી. આ મામલે પોલીસે ફરિયાદ દાખલ કરી 8 અધિકારીઓની ધરપકડ કરી છે.