સુરતમાં એક યુવાને ગામ ગાંડુ કર્યુ હતું. શોલેના વીરુની જેમ ફૂલ દારૂ પીને મોબાઈલ ટાવર ઉપર ચઢી ગયો હતો. શોલે ફિલ્મમાં જેમ ધર્મેન્દ્ર દારૂ પીને પાણીની ટાંકી ઉપર ચઢી જાય છે અને ગાંવ વાલો.... ઈસ બંસતી સે.... વાળા ડાયલોગ્સ મારે છે તેવો જ ડ્રામાં સુરતના યુવાને મોબાઈલ ટાવર ઉપર ચઢી જઈને કર્યો હતો. જો કે આખી વાતમાં એક પ્રશ્ન થાય કે ગુજરાતમાં તો દારૂબંધી છે! તો આ દારૂડિયાઓને દારૂ મળે છે ક્યાંથી?
સુરતમાં નશામાં ધૂત યુવકે તમાશો કર્યો હતો. દારૂ પી અને યુવક મોબાઇલ ટાવર પર ચડી ગયો હતો. આ ઘટના સુરતના સિંગણાપોર વિસ્તારની છે. જ્યાં યુવક દારૂ પીને મોબાઇલ ટાવર પર ચડી ગયો અને નીચે પડવાના નખરા કરી રહ્યો હતો. પણ હા તે નીચે નહોતો પડ્યો એ પહેલા મદદ પહોંચી ગઈ હતી.
જોવા ઉમટ્યા ટોળે ટોળા
આ દારૂડિયા યુવતના નખરા જોવા ટોળેટોળા ઉમટ્યાં હતા તે વારંવાર ટાવર ઉપરથી નીચે પડી જવાની ધમકી આપતો હતો જો કે તે કુદ્યો નહોતો એ પહેલા જ સ્થાનિકોએ મદદ બોલાવી લીધી હતી.
ફાયરટીમે યુવકને સહિસલામત ઉતાર્યો નીચે
આ ડ્રામા જોઈને સ્થાનિકોએ ફાયર અને પોલીસને જાણ કરી હતી. જેને પગલે ફાયર અને પોલીસ બંનેની ટીમ ઘટના સ્થળે દોડી આવી હતી. ત્યાર બાદ એકાદ કલાકની લાંબી મહેનત બાદ ફાયરની ટીમે યુવકને સુરક્ષિત નીચે ઉતાર્યો હતો.