સુરત: શહેરની જિલ્લા દૂધ સંઘ દ્વારા દૂઘની ખરીદીના ભાવમાં ઘટાડો કરવામાં આવ્યો છે. સુરતમાં આવેલી સુમુલ ડેરી દ્વારા દૂધની ખરીદીના ભાવમાં ઘટાડો કરવામાં આવ્યો છે. ડેરીએ ગાયના દૂધમાં એક કિલો ફેટના ભાવમાં 30 રૂપિયાનો ઘટાડો કર્યો છે.
ડેરીએ ગાયના 3.5થી 5 જેટલા ફેટનો ભાવ 610થી ઘટાડીને 580 કર્યો છે. જ્યારે ભેંસના દૂધમાં એક કિલો ફેટના ભાવમાં 25 રૂપિયાનો ઘટાડો કરાયો છે. ભેંસના 9 ફેટના દૂધનો ભાવ 650થી ઘટાડીને 625 રૂપિયા કરવામાં આવ્યો છે.
ઉલ્લેખનીય છે કે સુમુલ ડેરી દ્વારા પશુપાલકો પાસેથી દૂધની ખરીદીમાં ઘટાડો કરવામાં આવતા પશુપાલકો નારાજગી જોવા મળ્યા છે. જો કે સુમુલ ડેરીએ આ ઘટાડો રાજ્યની મોટાભાગની ડેરીએ ઘટાડો કર્યો હોવાની વાત સુમુલના સંચાલકો દ્વારા કરવામાં આવી હતી.
આ સાથે જ આગામી દિવસોમાં દૂધની કિંમતમાં પણ જો ઘટાડો કરવામાં આવે તો જ આ ઘટાડો સાર્થક થશે નહીંતર તમામ માર પશુપાલકોએ જ ભોગવવો પડશે.