સુરતમાં પરપ્રાંતિયો અને પોલીસ વચ્ચે થઈ રહેલું ઘર્ષણ નેશનલ લેવલે ગાજી રહ્યુ છે. હોબળાની અસર ગાંધીનગર અને દિલ્હી સુધી થઈ રહી છે. ગુજરાત સરકાર આ માટે સંપૂર્ણરીતે જવાબદાર સુરત જિલ્લા કલેક્ટર ધવલ પટેલને માનતી હોવાનો ગણગણાટ ગાંધીનગરમાં ઉઠ્યો છે. રૂપાણી સરકાર પાસેથી આમેંય કેન્દ્ર અમદાવાદની સ્થિતિને લઈને સવાલો કરી રહી હોવાની ચર્ચા છે. ત્યાં સુરતમાં પોલીસ અને પરપ્રાંતિઓના સંઘર્ષનો મુદ્દે રૂપાણી સરકાર ભીંસમાં આવી છે.
સુરત જિલ્લા કલેક્ટર સંપૂર્ણ નિષ્ફળ
સુરત જેવા સેન્સેટીવ જિલ્લાનું સુકાન કોને સોંપાશે?
કલેક્ટરની માથે મુકાઈ રહ્યા છે વધારાના ઓફિસર
સુરતમાં પરપ્રાંતિયો અને પોલીસના હોબાળોને કારણે રૂપાણી સરકારની છાપ રાષ્ટ્રીય સ્તરે ખરાડાઈ રહી છે. સુરતમાં ફેલાયેલ અંધાધૂંધીને કારણે ગુજરાત સરકારની નેગેટીવ પબ્લીસીટી થઈ રહી છે. ગુજરાત સરકાર સુરતમાં સ્થિતિને કારણે ખુબ નારાજ છે અને એમાંય સુરતના જિલ્લા ક્લેક્ટર ધવલ પટેલ પર સરકાર ખુબ ખફા છે.
સુરત જિલ્લા કલેક્ટર સંપૂર્ણ નિષ્ફળ
સરકારી અધિકારીઓમાં ચર્ચા ઉઠી રહી છે કે, ધવલ પટેલ પરપ્રાંતિઓ સાથે સંવાદ સાધવામાં સંપૂર્ણ નિષ્ફળ રહ્યા છે. તેમણે આ પરિસ્થિતિમાં નૈતૃત્વ સંભાળવું જોઈતુ હતુ જેને બદલે તેમણે કોઈ જવાબદારી જ નથી લીધી જેને લીધે સુરત પોલીસ અને પરપ્રાંતિયોનો સંઘર્ષ નેશનલ લેવલના સમાચાર બની ગયા હતા.
સુરત જેવા સેન્સેટીવ જિલ્લાનું સુકાન કોને સોંપાશે?
સરકારના જમણો હાથ ગણાતા કેટલાક ટોપના અધિકારીઓએ કહ્યુ છે કે, અમદાવાદ, સુરત, વડોદરા અને રાજકોટ જેવા સીટીમાં કલેક્ટર તરીકે કાબેલ ઓફિસરનું હોવું જરૂરી છે એમાંય જ્યારે વાત કોરોના જેવી મહામારીની હોય ત્યારે તો આ અધિકારીએ પોતાની કુનેહ વાપરવાની હોય છે પણ સુરતના ધવલ પટેલ સાવ નિષ્ફળ રહ્યા છે. હવે એકાદ મહિનામાં બની શકે રિશફલીંગમાં તેમની નિમણૂક બીજી કોઈ જગ્યાએ થઈ જાય કારણ કે સુરત જેવા સેન્સેટીવ જિલ્લાને લીડરશીપ લઈ શકે તેવા કલેક્ટરની જરૂરત છે.
કલેક્ટરની માથે મુકાઈ રહ્યા છે વધારાના ઓફિસર
ગુજરાત સરકાર ખાનગીમાં ધવલ પટેલનો ઉધડો લઈ ચુકી છે અને હવે તેનો સબસ્ટીટ્યુડ શોધવાની કામગીરી હાથ ધરાઈ હોવાનો પણ ગણગણાટ છે. વાત તો ત્યાં સુધી પહોંચી ગઈ છે કે, CMO ઓફિસમાંથી વધારાના ઓફિસરને COVID 19ના સંકટના બહાના હેઠળ કેટલીક સત્તાઓ સાથે સુરતની પરિસ્થિતિને કાબુમાં કરવાં મેદાનમાં ઉતારવામાં આવ્યા છે.