સુરત ડિસ્ટ્રીક્ટ બેંક ચૂંટણી મામલે ભાજપ પ્રદેશ પ્રમુખ સી. આર. પાટીલના ગઢમાં જ જૂથવાદ ચરમસીમાએ જોવા મળ્યો છે. સુમલ ડેરી બાદ વધુ એક ચૂંટણીમાં ભાજપનો આંતરિક વિખવાદ ચરમસીમાએ જોવા મળ્યો છે. જેમાં ભાજપ સામે ભાજપનો જ વિદ્રોહ જોવા મળ્યો છે.
સુરત ડિસ્ટ્રીક્ટ બેંક ચૂંટણીનો મામલો
ભાજપ પ્રદેશ અધ્યક્ષના ગઢમાં જ જૂથવાદ ચરમસીમાએ
સુમુલ બાદ વધુ એક ચૂંટણીમાં ભાજપમાં વિખવાદ
સુરત ડિસ્ટ્રીક્ટ બેંક ચૂંટણી મામલે ભાજપ પ્રદેશ અધ્યક્ષના ગઢમાં જ જૂથવાદ ચરમસીમાએ પહોંચ્યો છે. સુમુલ બાદ વધુ એક ચૂંટણીમાં ભાજપમાં વિખવાદ થયો છે. ડિસ્ટ્રીક્ટ બેંકમાં ભાજપ સામે ભાજપનો જ વિદ્રોહ સામે આવ્યો છે. આંતરિક વિખવાદ સ્થાનિક સ્વરાજ્યની ચૂંટણી પહેલાં ભાજપ માટે મુશ્કેલી સર્જી શકે છે.
ઉલ્લેખનીય છે કે હાલ ગુજરાતમાં સ્થાનિક સ્વરાજ્યની ચૂંટણીને લઇને ભાજપ અને કોંગ્રેસ દ્વારા પુર જોશમાં તૈયારીઓ શરુ કરવામાં આવી છે ત્યારે ભાજપ પ્રદેશ અધ્યક્ષના ગઢમાં જ જૂથવાદ જોવા મળતા પક્ષ માટે ફરી મુશ્કેલી ઉભી કરી શકે છે.
રાજ્યમાં એક તરફ જ્યાં કોરોનાના નવા સ્ટ્રેનના કેસોને લઇને તંત્ર એકશન મોડમાં જોવા મળી રહ્યું છે. ત્યારે બીજી કોરોનાકાળમાં યોજાનારી સ્થાનિક સ્વરાજ્યની ચૂંટણીને લઇને ભાજપ અને કોંગ્રેસે તડામાર તૈયારીઓ શરુ કરી દીધી છે.
ગુજરાતમાં હાલ જ્યાં રાષ્ટ્રીય સ્વયં સેવક સંઘની કાર્યકારણીની બેઠકને લઇને RSS સુપ્રીમો મોહન ભાગવત જ્યાં અમદાવાદમાં છે ત્યારે બીજી તરફ ભાજપના રાષ્ટ્રીય અધ્યક્ષ જે. પી. નડ્ડા પણ ગુજરાતમાં છે. તો બીજી તરફ કોંગ્રેસના પ્રભારી રાજીવ સાતવ ગુજરાત આવી રહ્યાં છે. આમ હાલ રાજ્યમાં એક તરફ કડકડતી ઠંડી પડી રહી છે ત્યારે બીજી તરફ રાજકીય ગરમાવો વધી રહ્યો છે.
સ્થાનિક સ્વરાજ્યની ચૂંટણીને લઇને કોંગ્રેસની તૈયારી
જો કે બીજી તરફ કોંગ્રેસ દ્વારા સ્થાનિક સ્વરાજ્યની ચૂંટણીને લઇને આજે ગાંધીનગર ખાતે કોંગ્રેસના ધારાસભ્યોની બેઠક બોલાવી છે. વિધાનસભાના કોંગ્રેસ પક્ષના બેઠક રુમમાં બેઠક મળશે. જેમાં સ્થાનિક સ્વરાજ્યની ચૂંટણી અંગે ચર્ચા કરવામાં આવશે.
સ્થાનિક સ્વરાજ્યની ચૂંટણીને લઇને આગામી સપ્તાહમાં ચૂંટણીની તારીખ જાહેર થવાની શક્યતા છે. ત્યારે કોંગ્રેસ દ્વારા આ લોકલ બોડી ઇલેકશન માટે ધારાસભ્યોને બેઠક પ્રમાણે જવાબદારી સોંપવામાં આવશે. જેમાં સ્થાનિક મુદ્દાઓમાંથી મહત્વના મુદ્દાઓનો રિપોર્ટ તૈયાર કરાશે. આ સાથે ધારાસભ્યોને સૂચન કરાયેલા મુદ્દાઓ ચૂંટણીમાં ઉઠાવાશે.