ગૌરવ / સુરતીઓનો ડંકોઃ 2600 કરોડના ખર્ચે વિશ્વમાં ક્યાંય નહીં હોય તેવી બનશે ઈમારત

• વિશ્વનું નંબર વન ડાયમંડબુર્સ
• સુરતને મળશે વૈશ્વિક ઓળખ
• હવે માત્ર પોલિશ જ નહીં

વિશ્વમાં ક્યાંય ન હોય તેવી ભવ્ય કોમર્શિયલ બિલ્ડીંગની સુરત ખાતે આકાર પામી રહી છે ડાયમંડ બુર્સ. આ ડાયમંડ બુર્સ સુરતના હીરા ઉદ્યોગને નવી વૈશ્વિક ઓળખ આપાવશે તે નકકી છે. એક રફ પથ્થરને પાંસાદાર પહેલ પાડી ચમકદાર હીરો બનાવી દેતું આ સુરત શહેર હવે બુર્સ દ્વારા નવી ઓળખ પામવા જઈ રહ્યું છે. 
 
અનેક વર્ષોની વિચારણા બાદ આકાર પામી રહ્યું છે ડાયમંડ બુર્સ

અનેક વર્ષોની વિચારણા બાદ અને ભવિષ્યના અનેક વર્ષોને ધ્યાનમાં રાખીને આ બુર્સનું નિર્માણ કરાઈ રહ્યું છે. હાલ આ ભવ્ય ઈમારતનું બાંધકામ ચાલી રહ્યું છે. જેના પ્રથમ તબક્કાના કામ પૂર્ણ થવાની તૈયારી છે. વિશાળ પટ પર આકાર પામી રહેલું આ બુર્સ માત્ર હીરાને જ નહીં સુરતને પણ ચમકાવશે. જ્યારે આ બુર્સ આકાર પામશે પછી ખરેખર જોરદાર લાગશે. પરંતુ આ કમાલ સુરતના ડાયમંડ ઉદ્યોગપતિઓ અને વેપારીઓના સાહસની કમાલ છે. 

ડાયમંડ વ્યવસાય જોડાયેલા અને નહીં જોડાયેલા તમામ લોકોને થશે લાભ 

જો આપને એમ હશે કે, સુરતમાં તૈયાર થનારા આ ડાયમંડ બુર્સથી માત્ર હીરા ઉદ્યોગ સાથે જોડાયેલા લોકોને જ લાભ થશે. પરંતુ એમ નથી હકીકતમાં ડાયમંડ બુર્સના નિર્માણ અને કાર્યાન્વિત થયા બાદ ડાયમંડ વ્યવસાય સાથે નહીં જોડાયેલા વેપારીઓને પણ લાભ થશે.