IPLIN
 

લૉકડાઉન / CM રૂપાણીની જાહેરાત બાદ સુરત તંત્રએ જાહેર કર્યા 43 ક્લસ્ટર ઝોન વિસ્તાર, અહીં લૉકડાઉનનો કડક અમલ

Team VTV 10:56 PM, 18 May 20 | Updated: 11:53 PM, 18 May 20
Follow us
Surat declared 43 cluster zone areas lockdown gujarat

મુખ્યમંત્રી વિજય રૂપાણીએ પ્રજાજોગ સંદેશમાં કહ્યું કે, છેલ્લા 54 દિવસથી મહામારી કોરોના સામે ગુજરાતની જનતા, ગુજરાતના સૌ કોરોના યોદ્ધાઓ એક થઈને લડી રહ્યા છે. હું તમામને અભિનંદન અને ધન્યવાદ આપું છું. રૂપાણીએ છૂટછાટની જાહેરાત કરતા કહ્યું કે કન્ટેન્મેન્ટ ઝોનમાં આવશ્યક વસ્તુઓ સિવાય કોઈ છૂટછાટ આપવામાં આવશે નહીં. નોન કન્ટેન્મેન્ટ વિસ્તારમાં સવારના 8થી બપોરના 4 સુધી દુકાનો ખોલવાની છૂટ અપાશે. ત્યારે હવે મુખ્યમંત્રીની જાહેરાત બાદ સુરત તંત્રએ ક્લસ્ટર ઝોન જાહેર કર્યા છે.

  • CM રૂપાણીની જાહેરાત બાદ સુરત તંત્રએ ક્લસ્ટર ઝોન જાહેર કર્યા
  • સુરતના અલગ અલગ 43 ક્લસ્ટર વિસ્તારોની યાદી જાહેર 
  • 3 લાખ 51 હજાર 472 મકાનો ક્લસ્ટર વિસ્તારમાં સમાવેશ

લોકડાઉન 4 દરમિયાન મુખ્યમંત્રી રૂપાણીની જાહેરાત બાદ સુરત તંત્રએ ક્લસ્ટર ઝોન જાહેર કર્યા છે. શહેરના અલગ અલગ 43 ક્લસ્ટર ઝોન વિસ્તારોની યાદી જાહેર કરાઈ છે. જેમાં 3 લાખ 51 હજાર 472 મકાનો અને 16 લાખ 14 હજાર 458 લોકોનો ક્લસ્ટર વિસ્તારમાં સમાવેશ કરાયો છે. આ વિસ્તારમાં જાહેરનામા અન્વયે હુકમનું ચુસ્તપણે પાલન કરવાનું રહેશે.

ક્લસ્ટર વિસ્તારોની યાદીની વાત કરીએ તો સેન્ટ્રલ ઝોનના 4, સાઉથ ઈસ્ટ ઝોનના 10 વિસ્તારનો ક્લસ્ટર ઝોનમાં સમાવેશ કરાયો છે. તો ઈસ્ટ-એ ઝોનના 2 વિસ્તાર અને વરાછા ઝોન-એના 7 વિસ્તારોનો પણ ક્લસ્ટર ઝોનમાં સમાવેશ કરાયો છે. જ્યારે સાઉથ વેસ્ટ ઝોનના 2 વિસ્તારો અને સાઉથ ઝોન રાંદેરના 4 અને સાઉથ ઝોન ઉધનાના 8 વિસ્તારો ક્લસ્ટર ઝોન જાહેર કરાયા છે. સાઉથ ઝોન ઉધનાના 6, નોર્થ ઝોન કતારગામના 2 વિસ્તારોને પણ ક્લસ્ટર ઝોન જાહેર કરાયા છે. આમ, કુલ સુરતના 43 ક્લસ્ટર ઝોન વિસ્તારો જાહેર કરાયા છે.

જાણો રાજ્યમાં શું ચાલું રહેશે અને શું બંધ?

સેવા અને વિગતો નોન કન્ટેનમેન્ટ ઝોન કન્ટેનમેન્ટ ઝોન
રેલ અને હવાઈ યાત્રા, રાજ્યો વચ્ચે સડક યાત્રા NO NO
સ્કૂલ, કોલેજો, ટ્યુશન ક્લાસીસ અને શૈક્ષણિક સંસ્થા NO NO
અમદાવાદમાં પશ્ચિમ વિસ્તારમાં વેપાર, દુકાનો (ઓડ ઈવન પ્રમાણે) YES NO (પૂર્વ વિસ્તાર)
50-50 ટકા દુકાનો એક-એક દિવસે ખુલશે (પ થી વધારે ભેગાં નહીં) YES NO
શાકભાજી, દૂધ, દવા જેવી આવશ્યક વસ્તુઓ (સવારે 8થી 3) YES YES
પાન-મસાલા, હેર સલૂન, બ્યુટીપાર્લર YES NO
જીમ, સ્વિમિંગ પૂલ, ક્લબ, બગીચા, મનોરંજન પાર્ક વગેરે NO NO
મોલ અને મોલની દુકાનો, સિનેમા, મલ્ટિપ્લેક્સ NO NO
સ્ટ્રીટ વેન્ડર્સ (શાકભાજી ફેરિયા સિવાય) NO NO
ધાર્મિક સ્થળો અને ધાર્મિક પ્રવૃત્તિઓ NO NO
સુરતમાં ડાયમંડ અને ટેક્સટાઇલ સાથે ઉદ્યોગો YES NO
ST બસ સેવા (અમદાવાદ સિવાય) YES NO
AMTS અને અન્ય શહેરની સિટી બસ, ખાનગી બસ NO NO
સાંજે 7 થી સવારે 7 વચ્ચે જરૂરિયાત વગર ઘરની બહાર નીકળવું NO NO
દવાખાના / OPD YES YES
સાયકલ રીક્ષા, ઓટો રીક્ષા (2+1), ટેક્સી YES NO
અમદાવાદ અને સુરતમાં ઓટો રિક્ષા NO NO
કેબ, ટેક્સી (1+2) YES NO
પ્રાઈવેટ કાર (2+1), ટુ વ્હીલર (એક સવારી) YES NO
ખાનગી ઓફિસ (33% સ્ટાફ) YES NO
રેસ્ટોરન્ટમાં માત્ર હોમ ડિલીવરી (હેલ્થ કાર્ડ સાથે) YES NO
માલસામાનની હેરફેર માટેની ટ્રકો YES YES
લગ્નમાં 50 લોકો અને મરણમાં 20 YES YES
હીરાના કારખાના, લૂમ્સના કારખાના 50 ટકાના સ્ટાફ YES NO
પબ્લિક લાયબ્રેરી (60 ટકા કેપીસિટી) YES NO
સિટી વિસ્તારની બહાર ઢાબા YES NO
10 વર્ષથી ઓછી, 65 વર્ષથી વધુની ઉમરની વ્યક્તિ અને ગર્ભવતી મહિલાનું બહાર નીકળવું NO NO
ગ્રામીણ વિસ્તારમાં ઉદ્યોગો, મનરેગા, ફૂડ પ્રોસેસિંગ, ઇંટ ઉત્પાદન YES NO
રિપેરિંગ શોપ, ગેરેજ, વર્કશોપ અને સર્વિસ સ્ટેશન YES NO

અન્ય નિયમો:

  • જાહેરમાં થૂંકનારને 200 રૂપિાયનો દંડ, માસ્ક નહીં પહેરનારને પણ 200 રૂપિયાનો દંડ
  • પાન-ગલ્લા પર ગ્રાહકો ઉભા રહી શકશે નહીં
  • સોશ્યલ ડિસ્ટન્સિંગનું પાલન કરવાનું રહેશે
  • ઓડ ઈવન એટલે એક દિવસે 50 ટકા ખુલ્લું રહેશે અને બીજા દિવસે 50 ટકા
  • અમૂલના પાર્લર પર 3 લેયર (રૂ.5) અને N 95 (રૂ.65)માં માસ્ક મળશે

    (આ તમામ નિયમો 31 મે સુધી લાગૂ રહેશે)
surat lockdown gujarat સુરત લૉકડાઉન ગુજરાત
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ