સુરત શહેરના ઓલપાડ વિસ્તારમાં આજરોજ એક મોટી દૂર્ઘટના ટળી ગઇ હતી. જેમાં ઓલપાડ વિસ્તારમાં ગેસ સિલિન્ડર ભરેલી ટ્રકમાં લાગેલી આગની ચપેટમાં સ્કૂલ બસ આવી જતાં 20 બાળકોનો આબાદ બચાવ થયો હતો. જેને લઇને એટલું ચોક્કસ કહી શકાય કે આજે સુરત માથેથી મોટી ઘાત ટળી ગઇ.
સુરતમાં સિલિન્ડર ભરેલી ટ્રકમાં લાગી આગ
સળગતા સિલિન્ડર બ્લાસ્ટ થઇને હવામાં ઉડ્યા
ફાયર વિભાગે ભારે જહેમત બાદ આગ પર મેળવ્યો કાબૂ
સુરતના ઓલપાડ વિસ્તારમાં ગેસ સિલિન્ડર ભરેલી ટ્રકમાં પંચર પડતા ટ્રક બેકાબુ બની ગઇ હતી. જેને લઇને અકસ્માત સર્જાતા ટ્રકમાં આગ લાગી ગઇ હતી. જો કે ટ્રકમાં 50 જેટલા ગેસ સિલિન્ડર ભરેલા હોય એકાએકા બ્લાસ્ટ થયો હતો.
જો કે ટ્રકમાં આગ લાગતા સળગતા સિલિન્ડર હવામાં ઉડયા હતા. જો કે આ આગની ચપેટમાં સ્કૂલ બસ, રિક્ષા અને ટેમ્પો આવી ગયા હતા. જો કે હજુ સુધી કોઇ જાનહાનિના અહેવાલ પ્રાપ્ત થયા નથી.
જો કે સિલિન્ડર ભરેલ ટ્રકમાં આગ લાગ્યા બાદ બ્લાસ્ટ થતા સ્કૂલ બસ ચપેટમાં આવી ગઇ હતી. આગ લાગતા રેડિટેન્ડ ઇન્ટરનેશનલ સ્કૂલની બસ આગની ચપેટમાં આવી ગઇ હતી. આ સમયે સ્કૂલની બસમાં 20 જેટલા બાળકો હતા. જો કે તમામ 20 બાળકોને બસમાંથી સલામત બહાર કાઢવામાં આવ્યાં હતા.
ઓલપાડ વિસ્તારના માસમા ગામે ગેસ સિલિન્ડર ભરેલી ટ્રકમાં પંચર પડતા અકસ્માત સર્જાતા આગનો બનાવ બન્યો હતો. જો કે ફાયરબ્રિગેડની ટીમને જાણ થતાં ઘટના સ્થળે પહોંચી ગઇ હતી. ભારે જહેમત બાદ ફાયરબ્રિગેડની ટીમે આગ પર કાબૂ મેળવીલીધો છે. આગ લાગતા આસપાસના વિસ્તારમાં અફરા-તફરીનો માહોલ જોવા મળ્યો હતો. ટ્રકમાં ગેસના સિલિન્ડર ભર્યા હોવાથી વારંવાર બ્લાસ્ટ થતાં હતા. જેને લઇને લોકોમાં ભયનો માહોલ જોવા મળ્યો હતો.