દાણચોરી / હવે આ ઉંમરે ચોરી કરીને ક્યાં જશો? સુરત એરપોર્ટ પરથી દાણચોરી કરતું વૃદ્ધ દંપતિ ઝડપાયું, જાણો કેવી રીતે થયો ભાંડાફોડ

• સુરત એરપોર્ટ પરથી દાણચોરી કરતું વૃદ્ધ દંપતિ ઝડપાયું
• વૃદ્ધ દંપતિ શારજહાથી ફલાઈટમાં સુરત આવ્યું હતું
• વૃદ્ધ દંપતિ ચોરીછૂપીથી સોનાની 8 કેપ્સુલ લાવ્યું હતું

કોરોનાના કેસ ઘટતા આંતરરાષ્ટ્રીય ફ્લાઇટ શરુ કરવામાં આવી છે.  તો બીજી તરફ કસ્ટમ વિભાગ પણ દાણચોરીને અટકાવવા માટે એક્ટિવ મોડમાં આવી ગયું છે. ત્યારે સુરત એરપોર્ટ પરથી દાણચોરી કરતું વૃદ્ધ દંપતિ ઝડપાયું. રવિવારે રાત્રે તેઓ શારજાહથી સુરતની ફ્લાઇટમાં ડિબોર્ડિંગ કરીને એરપોર્ટથી બહાર આવી રહ્યા હતા . જો કે કસ્ટમ વિભાગે ચેકિંગ કરતા 1 કિલો અને 900 ગ્રામ સોનું શંકાસ્પદ રીતે ઝડપાયું.  વૃદ્ધ દંપતિ ચોરીછૂપીથી સોનાની 8 કેપ્સુલ લાવ્યું હતું. 

સોનાની કિંમત 1કરોડ રૂપિયા

સૂત્રો પાસેથી મળતી માહિતી મુજબ રવિવારે રાત્રે 12 વાગ્યાનો આ બનાવ છે. શારજાહથી સુરત આવી રહેલી ફ્લાઇટ લેન્ડ થઇ હતી.  મુસાફરો એરપોર્ટની બહાર જઇ રહ્યા હતા તે સમયે આ વૃદ્ધ દંપત્તિ પર શંકા જતા અટકાવવામાં આવ્યા હતા. તેમનું નામ ઇકબાલ અને સુગરા હોવાનું સામે આવ્યુ છે. બંનેની બેગ તપાસતા તેમાંથી સોનું પણ મળી આવ્યું હતું. જેના આધારે બંનેને વધુ પૂછપરછ કરાતા તેઓ રડવા લાગ્યા .આખરે તેમણે દાણચોરી કરી હોવાની વાત સ્વીકારી હતી.  બંનેએ પોતાના શરીરમાં પણ સોનું છૂપાવ્યુ હતુ. આ તમામ ઝડપાયેલા સોનાની કિંમત 1 કરોડ જણાવવામાં આવી રહી છે.