સુરતમાં લોરેન્સ બિશ્નોઈ અને સંપત નહેરા ગેંગના 7 આરોપીઓની સુરત ક્રાઈમ બ્રાન્ચે ધરપકડ કરી છે. ત્યારે બંને ગેંગના સાગરીતો રાજસ્થાન છોડીને સુરતમાં છુપાયા હતા.
સુરતમાં લોરેન્સ બિસનોઇ અને સંપત નહેરા ગેંગના 7 આરોપીઓની ધરપકડ
બંને ગેંગના સાગરીતો રાજસ્થાન છોડીને છુપાયા હતા સુરતમાં
સુરત ક્રાઈમ બ્રાન્ચે મુખ્ય આરોપી દેવેન્દ્ર શેખાવત સહિત 7ને ઝડપ્યા
સુરત ક્રાઈમ બ્રાન્ચને મોટી સફળતા મળી છે. ત્યારે સુરતમાં છેલ્લા ઘણા સમયથી રહેતા લોરેન્સ બિશ્નોઈ ગેંગ અને સંપત નહેરા ગેંગના 7 લોકોને પોલીસે ઝડપી પાડ્યા છે. જેમાં પોલીસે મુખ્ય આરોપી દેવેન્દ્ર શેખાવત સહિત 8 લોકોને ઝડપ્યા છે. દેવેન્દ્રસિંહ શેખાવત પર જયપુરમાં પીલાની ગેંગે હુમલો કર્યો હતો. ત્યારે વર્ષ-2022 માં સંપત નહેરા ગેંગના સભ્ય દેવેન્દ્રસિંહ પર હુમલો થયો હતો. હુમલામાં 5 આરોપીઓની ધરપકડ કરાઈ હતી. દેવેન્દ્રસિંહ પાસેથી પિસ્તોલ મળતા તેની વિરૂદ્ધ આમ્સ એક્ટ હેઠળ ગુનો દાખલ થયો હતો. ડિસેમ્બર-2022 માં શિકર જીલ્લામાં રાજુ ઠેહડેનું ગેંગ દ્વારા હત્યા કરવામાં આવી હતી.
NIA દ્વારા આઠ રાજ્યોમાં 76 સ્થળોએ દરોડા પાડવામાં આવ્યા હતા
થોડા સમય અગાઉ NIA દ્વારા આઠ રાજ્યોમાં 76 સ્થળોએ દરોડા પાડવામાં આવ્યા હતા. જેમાં ખોખર ડેનિસ સહિત છ લોકોની ધરપકડ કરી છે. દેશના હરિયાણા, રાજસ્થાન, યુપી. દિલ્હી. એનસીઆર, મહારાષ્ટ્ર અને એમપીમાં દરોડા પાડવામાં આવ્યા હતા. આ દરોડામાં લોરેન્સ બિશ્નોઈ ગેંગના જગ્ગુ, ભગવાનપુરિયા અને ગોલ્ડી બ્રારના સહયોગીઓની ધરપકડ કરવામાં આવી હતી.
વિદેશમાં ભાગી જઈ ત્યાંથી આતંકવાદી પ્રવૃતિ ચાલુ રાખી હતી
NIA ની તપાસમાં સામે આવ્યું હતું કે ઘણા ગુનેગારો પાકિસ્તાન, કેનેડા, મલેશિયા, ફિલિપાઈન્સ અને ઓસ્ટ્રેલિયા જેવા દેશોમાં ભાગી ગયા હતા. અને ત્યાંથી આતંકવાદી પ્રવૃતિ ચાલુ રાખી છે. આ ગુનાહિત પ્રવૃતિમાં ડ્રગ્સ અને શસ્ત્રોની દાણચોરી, હવાલા અને ખંડણી દ્વારા નાપાક પ્રવૃતિઓ માટે ભંડોળ એકત્ર કરવામાં આવ્યા હતા.