રાજસ્થાનના જયપુરમાં આવેલ ક્લાર્કસ આમેર ફાઈવસ્ટાર હોટલમાં વેપારીના સ્વાંગમા રોકાઇ દાગીના લઈ થયો હતો ફરાર
ગુજરાતનો ફાઈવસ્ટાર ચોર સુરત ક્રાઈમબ્રાંચના સકંજામાં
2 કરોડની કિંમતના દાગીનાની ચોરી કરનાર ઝડપાયો
વાપીના જયેશ સેજપાલની દિલ્હીગેટ વિસ્તારમાંથી ધરપકડ
ફાઇવસ્ટાર હોટલોમાં લગ્નોમાં જઇ દાગીના ચોરનાર આંતર રાજ્ય ટોળકીનો સાગરીત સુરતના દિલ્હી ગેટ વિસ્તારની એક હોટલ માંથી ઝડપાયો હતો. રાજસ્થાનના જયપુર અને ઉદેપુરના બે પોલીસ સ્ટેશનમાં થયેલી ચોરીનો ભેદ ઉકેલવા સાથે પોલીસે રૂ.2 કરોડથી વધુ કિંમતના દાગીના જપ્ત કર્યા
રાજસ્થાનના જયપુરના જયપુરમાં કરી હતી ચોરી
સુરત ક્રાઇમ બ્રાન્ચની ટીમે ફાઇવસ્ટાર હોટલોમાં લગ્ન પ્રસંગોમાં જઇને ચોરી કરનારી આંતર રાજ્ય ટોળકીના આરોપીને ઝડપી લઇ બે રાજસ્થાનના જયપુર અને ઉદેપુર પોલીસમાં નોંધાયેલા બે ગુનાનો ભેદ ઉકેલવા સાથે રૂપિયા બે કરોડથી વધારે કિંમતના દાગીના કબજે કર્યા છે. રાજસ્થાનના જયપુરમાં આવેલ ક્લાર્કસ આમેર ફાઈવસ્ટાર હોટલમાં વેપારીના સ્વાંગમા રોકાઇને ફાઈવ સ્ટાર હોટેલોમાં આયોજિત લગ્ન પ્રસંગ અને ફેશન શોમાં પ્રવેશ કરી ભીડભાડનો લાભ ઉઠાવી ચોરી કરતા હોવાની મોડ્સ ઓપરેન્ડી બહાર આવી છે.
મહેમાન બની માહિતી મેળવતો
સુરત પોલીસને જયપુર પોલીસ તરફથી બાતમી મળી હતી કે, ફાઇવસ્ટાર હોટલોમાં લગ્ન સમારોહમાં મહેમાનો સાથે મહેમાનની જેમ જ વાતો કરીને ચોરી કરવાની મોડસ ઓપરેન્ડી ધરાવતો અને મુળ જામનગર જિલ્લા ના જોડિયા નો વતની અને હાલ વાપીના વીર પદ્માવતી એપાર્ટમેન્ટ ખાતે રહેતો આરોપી જયેશ રવજીભાઇ સેજપાલ સુરતમાં દિલ્હીગેટ વિસ્તારમાં આવ્યો છે. જેથી ક્રાઇમ બ્રાન્ચની ટીમે સુરતના દિલ્હીગેટ વિસ્તારમાં વોચ ગોઠવીને જયેશ સેજપાલને સોનાના અને હીરાના દાગીનાના જથ્થા સાથે ઝડપી પાડ્યો હતો. આરોપીની પુછપરછ કરતા તેણે કબુલાત કરી હતી કે, તે પોતાના સાગરીતો સાથે ફાઇવસ્ટાર હોટલોમા વેપારી તરીકે રોકાઇ લગ્ન પ્રસંગ તથા પાર્ટી કે ફંકશનમાં આવેલ લોકોની ભીડભાડમા ઉભો રહી આવતા જતા મહેમાનો સાથે મિત્રતા કેળવતો હતો.
લોકરનો પીન નંબર ભુલી ગયાનો ઢોંગ રચતો
તેમની વાતચીત પરથી તેમના નામ અને રુમ નંબર અંગેની માહીતી મેળવી. રીસેપ્શન પરથી પોતે રૂમ બુક કરનાર બોલતો હોય તેમ રુમ નંબરની ચાવી માંગી તે રુમમા જઇ રૂમમાંથી લોકર ખોલવાનો પ્રયત્ન કરી લોકર ન ખુલે તો રૂમમાંથી રીસેપ્શન કાઉન્ટર પર ફોન કરી લોકરનો પીન નંબર ભુલી ગયો છુ. તેમ કહી હોટલ સ્ટાફને બોલાવી લોકર ખોલાવતો અને લોકર ખોલી તેમાંથી જે કઈ મળે તે રોકડ રકમ અને દાગીનાની ઉઠાંતરી કરીને નાસી છુટતો હતો.
આરોપી પાસેથી શું શું મળ્યું?
પોલીસે જયેશ સેજપાલ પાસેથી રૂપિયા બે કરોડથી વધારે કિંમતના જે દાગીના કબજે કર્યા છે તેમાં સોનાના કંગન -ગુલાબના ફૂલના ડીઝાઇનવાળા નંગ- 2, - સાચા કલચર મોતી માળામા સોનાનુ હીરા જડીત પેન્ડલ છે નંગ- ૧, સોનાનો હારરાણી ELIZABETH.II 50. DOLLARS 1947 લખેલ ડીઝાઇનવાળો, અમેરીકન ડાયમન્ડ જડીત કંગન નંગ-૨ સેમસંગ કંપનીના મોબાઇલ ફોન નંગ-2, સોનાનો હીરાજડીત, બ્લ્યુ પન્ના સ્ટોન જડીત હાર તથા કાનન બટ્ટી સાથેનો સેટ નંગ-1 ડાયમન્ડ જડીત સોનાનો હાર સદપોલીસ વાળો છે નંગ- 1 -હીરાજડીત સોનાનો પાટલો નંગ- 1 અને રોકડા રૂપિયા, 37 હજાર 950 કબજે કર્યા છે. પોલીસે આરોપીને જયપુર પોલીસને હવાલે કરવાની તજવીજ હાથ ધરી છે.