જ્યારથી રાજકોટ શહેરમાં IPL 2022ની મેચોમાં સટ્ટોના ખેલમાં બુકી તરીકે ભાજપ નેતા અને રાજકોટ બેન્કના સહકારી આગેવાન મહેશ આસોદરીયાનું નામ ખૂલ્યું છે તે બાદ સ્ટેટ મોનિટરિંગ ગુજરાત ભરમાં એક્ટિવ થયું ગયું છે અને મોટા સ્ટોડિયાને ક્લીન બોલ્ડ કરી રહ્યું છે.
51 સટ્ટાકિંગના નામ સામેલ
ત્યારે સુરતના ક્રિકેટ સટ્ટામાં સૌરાષ્ટ્રભરના બુકીઓના નામ આવ્યા સામે છે. સ્ટેટ મોનિટરિંગના દરોડામાં સૌરાષ્ટ્ર કનેક્શન ખુલતા ખળભળાટ મચ્યો છે. મહત્વનું છે કે અડાજણ વિસ્તારમાં એક ફ્લેટમાં સ્ટેટ મોનિટરિંગ સેલે રેડ કરી હતી. જેમાં ઝડપાયેલા આરોપીની સઘન પૂછપરછ કરતાં રાજકોટના અનેક જાણીતા લોકોની સટ્ટામાં સંડોવણી હોવાનું ખુલ્યુ છે. જૂનાગઢ,મોરબી, જેતપુર, કેશોદ સહિતના 51 સટ્ટાકિંગના નામ સામેલ છે. ક્રિકેટ સટ્ટાનું સોફ્ટવેર રાજકોટથી ખરીદયું હોવાનો ખુલાસો પણ થયો છે. હાલ પોલીસ વધુ તપાસ હાથ ધરી રહી છે.
આ પહેલા રાજકોટમાં ક્રાઈમ બ્રાન્ચે પાડયો હતો સપાટો
રવિવારની રાત્રે રાજકોટ ક્રાઇમ બ્રાન્ચ દ્વારા આઇપીએલના મેચ પર સટ્ટો રમાડી રહેલા બે જેટલા વ્યક્તિઓની ધરપકડ કરવામાં આવી હતી. બંને આરોપીઓની પૂછપરછમાં વધુ ત્રણ વ્યક્તિઓના નામ ખોલવા પામ્યા હતા. જે બે વ્યક્તિઓના નામ ખોલવા પામ્યા છે તેમાં રાજકોટ જિલ્લા બેંક ના પ્રતિનિધિ તરીકે રાજકોટ લોધીકા સંઘમાં કાર્યરત એવા મહેશ આસોદરીયા નું નામ પણ ખુલવા પામ્યું હતું. જ્યારે કે રાજકોટના અજય મીઠીયા તેમજ મુંબઈના બુકી તરીકે હિમાંશુ પટેલ નું નામ પણ સામે આવ્યું છે. ત્યારે હાલ રાજકોટ ક્રાઇમ બ્રાન્ચ દ્વારા હ્યુમન ઇન્ટેલિજન્સ અને ટેકનિકલ સર્વેલન્સની મદદ દ્વારા ત્રણેય આરોપીઓની શોધખોળ શરૂ કરવામાં આવી છે. સટ્ટામાં પકડાયેલ મહેશ આસોદરીયાની હકાલપટ્ટી કરવામા આવી હતી. રાજકોટ લોધિકા સંઘમાંથી બેંકના પ્રતિનિધી તરીકેથી બેંકના ચેરમેન જયેશ રાદડિયા તેમણે કાઢી મૂક્યા હતા. અને નવા પ્રતિનિધિ માટે રાજકોટ લોધિકા સંઘને પત્ર પણ લખ્યો હતો.
રાજકોટના બુકીઓ પણ પ્રાઇવેટ સર્વર બનાવી સટ્ટો રમાડતા
મીડિયા સાથેની વાતચીતમાં ક્રાઈમ બ્રાન્ચ ડીસીપી પાર્થરાજસિંહ ગોહિલે જણાવ્યું હતું કે, આરોપીઓ પ્રાઇવેટ સર્વર બનાવી મેચ પર સટ્ટો રમાડતા હતા. સમગ્ર મામલે રાજકોટ ક્રાઇમ દ્વારા સ્ટેટ મોનીટરીંગ સેલ સાથે પણ કેટલીક વિગતો શેર કરવામાં આવી છે. તેમજ રાજકોટ ક્રાઇમ બ્રાન્ચ દ્વારા જે ક્રિકેટના સટ્ટા સાથે સંકળાયેલા આરોપીઓને ઝડપી પાડવામાં આવ્યા છે તે કેસમાં એફ.એસ.એલ.ની પણ મદદ લેવામાં આવશે. આગામી સમયમાં પોલીસનું ધ્યાન આરોપીઓએ એપ્લિકેશન કોની પાસે બનાવડાવી હતી. અત્યાર સુધીમાં કેટલા પૈસાની લેતી-દેતી કરવામાં આવી છે તેમજ પૈસાની લેતીદેતી કઈ રીતે થતી હતી તે તમામ વિગતો મેળવવામાં આવશે.