પોલીસ પ્રજાકીય કાર્યો માટે હંમેશા તત્પર હોય છે. ત્યારે સુરતમાં ખુદ પોલીસ કમિશનર જનતાની વ્હારે આવ્યા
સુરત ખુદ પોલીસ કમિશનર જનતાની વ્હારે આવ્યા
પોલીસ કમિશનરે એક વૃદ્ધને કરી મદદ
અજય તોમર મોર્નિંગ વૉક કરવા નીકળ્યા હતા
શહેરમાં સેવા, શાંતિ અને સુરક્ષા અને કાયદો અને વ્યવસ્થાની જવાબદારી નિભાવનાર પોલીસે એક સરાહનીય કાર્ય કર્યુ છે. સુરતમાં મોર્નિંગવોકમાં નિકળેલા સુરત પોલીસ કમિશનરે એક વૃદ્ધની મદદ કરી. ભત્રીજાની ખોવાઇ ગયેલી બેગ પરત અપાવી હતી.
‘તમે પોલીસ કમિશનર છો ?'
સુરત પોલીસ કમિશનર અજય તોમર મોર્નિંગ વોકમાં નીકળ્યા હતા. અઠવા ઓફિસર્સ જીમખાના પાસે તેમને એક વૃદ્ધ વેપારી ઓમપ્રકાશ અગ્રવાલ મૂળ્યા હતા,જેમણે ‘તમે પોલીસ કમિશનર છો એવું કહ્યું કે મારો ભત્રીજો કારમાં એરપોર્ટ જતો હતો ત્યારે બેગ પડી ગઈ છે,એ મળી શકે છે?' કમિશનરે બાદમાં ઉમરા પોલીસના ઇન્સ્પેક્ટર રાજપુતને તપાસ કરવાનું કહ્યું હતું,ભત્રીજો અઠવાલાઈન્સથી નીકળ્યો ત્યાંથી કેમેરા ચેક કરતાં જાની ફરસાણ પાસે કારની ડીકીમાંથી બેગ પડતી દેખાઈ હતી,ત્યાર બાદ થોડી જ ક્ષણોમાં એક રિક્ષાવાળો આબેગ ઉંચકતા દેખાયો હતો. રિક્ષાના નંબરના આધારે ખબર પડી કે તે બનારસી પીંડ નામનો રિક્ષા ચાલક એ બેગ SVNIT ટ્રાફિક ચોકી પર આપી છે,તેથી પોલીસે ચોકી પર તપાસ કરતા એક ટીઆરબીએ આ બેગ સ્વીકારી હતી. ટીઆરબી રજા પર હોવાથી તે પરત આવ્યા બાદ તેણે બેગ પરત આપી દીધી.
રિક્ષાવાળાની ઇમાનદારીને લીધે બેગ પરત મળી
સુરત પોલીસ કમિશનરને ફરિયાદ કરનારા સિનિયર સિટીઝનનો દીકરો ઉટીમાં અભ્યાસ કરે છે. સવારે દીકરો ઉટી જવા કારમાં અઠવાલાઈન્સથી એરપોર્ટ જવા નીકળ્યા હતા,કારની ડીકીમાં ઘણા સામાન હતો,પરંતુ એરપોર્ટ પોહચી જોયું તો એક બેગ ન હતી,તેમાં થોડા રૂપિયા અને દીકરાના સ્કૂલને લગતા મહત્વના ડોક્યુમેન્ટ્સ અને સામાન હતો. દીકરાએ ફ્લાઈટ હોવાથી નીકળી જવું પડ્યું હતું,ઓમપ્રકાશભાઈએ પોલીસ કમિશનરને આ વાત કરી હતી, ઉમરા પોલીસમાં અરજી પણ કરી હતી,ઉમરા પોલીસ ના પ્રયાસોથી અને રિક્ષાવાળાની ઈમાનદારીને કારણે બેગ પરત મળી હતી એવું ભોગબનારા નું કહેવું હતું.
સીસીટીવી ઉપયોગી સાબિત થયા
સુરત શહેરમાં લાગેલા સીસીટીવી ખુબજ મહત્વના ઉપયોગી પુરવાર થઇ રહ્યા છે,ગુનેગારો ને પકડવાના હોઈ કે કોઈ વ્યક્તિ અથવા વસ્તુ ગુમ થયો હોય તો પણ આ સીસીટીવી ખુબજ મદદ રૂપ થતા આવ્યા છે,બીજી તરફ સીસીટીવી પર મોનીટરીંગ પણ એક મેહનત નું કામ હોય છે અને એ મેહનત નિષ્ઠા પૂર્વક કરવામાં આવે તો રિઝલ્ટ પણ 100 ટકા મળે જ છે.