આપઘાત / સુરતમાં કેમ પિતરાઈ ભાઈ બહેને એક જ હૂકમાં દુપટ્ટો લટકાવી મોત વહાલુ કર્યુ?

• સુરત શહેરના સચિન જીઆઈડીસીની ઘટના
• સુરતમાં પિતરાઈ ભાઈ-બહેન વચ્ચે પ્રેમ પાંગર્યો,
• રૂપિયા ભેગા થાય પછી લગ્ન કરાવવાની પરિવારે વાત કરતાં આપઘાત, 

સુરત શહેરના સચિન GIDCમાં એક ગોઝારી ઘટના સામે આવી છે. 19 વર્ષનો ભાઈ અને 17 વર્ષની પિતરાઈ બહેને ગળેફાંસો ખાઈને મોતને વહાલું કર્યુ છે. એકસાથે હૂકમાં દુપટ્ટો અને કાપડ બાંધી ગળેફાંસો ખાઈ મોતને વહાલું કર્યું

શું છે ઘટના
આ ઘટના સુરતની સચિન GIDCની શિવાંજલી સોસાયટીમાં પિતરાઈ ભાઈ-બહેન પ્રેમમાં પડ્યાં બાદ લગ્ન માટે રૂપિયા ભેગા થાય પછી લગ્ન કરાવવાની પરિવારે વાત કરતાં આપઘાતનો રસ્તો અપનાવ્યો હોવાનું બહાર આવ્યું છે. સચિન જીઆઈડીસી પોલીસે આગળની તપાસ હાથ ધરી છે.

કોણ છે મરનાર યુવક-યુવતી

સંતરામ રામસેવક નિશાદ (ઉ.વ 19) અને પૂનમ ઉર્ફે લક્ષ્મી ( ઉ. વ. 17) મામા-ફોઈના સંબધે પિતરાઈ ભાઈ બહેન થાય. પૂનમ સંતરામના મામાની દીકરી હતી. અને પૂનમ દોઢ મહિના પહેલા જ યુપીથી સુરત આવી હતી. બંનેને દેશથી જ એકબીજા સાથે પ્રેમસંબધ હતો. ત્યારે પરિવારને જણાવ્યા બાદ લગ્ન માટે પરિવારે રાહ જોવાનું કહ્યું હતુ જે મુદ્દે બંને જણાએ મોતને વહાલું કર્યુ હતુ. 

મૃતક યુવક જરી મશીન ઓપરેટર તરીકે કામ કરતો હતો
ઇન્દર નિશાદ (મૃતક સંતરામનો ભાઈ)એ જણાવ્યું હતું કે સંતરામ રામસેવક નિશાદ (ઉં.વ. 19, રહે. નેમારામની ચાલ શિવાંજલી સોસાયટી સચિન જીઆઈડીસી) ચાર ભાઈઓમાં ત્રીજા નંબરનો ભાઈ હતો. મૂળ યુપીના રહેવાસી છે. સંતરામ સચિન જીઆઈડીસીમાં જરી મશીન ઓપરેટર તરીકે કામ કરતો હતો. તમામ ભાઈ સહિત 6 જણા એક જ રૂમમાં એટલે કે રૂમ નંબર 13માં જ રહેતા હતા.