સજા-એ-મોત / સુરત કોર્ટનો મોટો ચુકાદો: પૂણામાં 3 વર્ષની બાળકી પર દુષ્કર્મ કરી ઘાતકી હત્યા કરનાર નરાધમને ફાંસી, 120 દિવસમાં મળ્યો ન્યાય

• બાળકી સાથે દુષ્કર્મ બાદ હત્યાનો મામલો
• સુરત કોર્ટ આપી આરોપીને સજા 
• આરોપીને મળી ફાંસીની સજા 

ગુજરાતમાં વધુ એક હવસખોરને ફાંસીની સજા ફટકારવામાં આવી છે. સુરતના પૂણા વિસ્તારમાં 3 વર્ષની બાળકી સાથે દુષ્કર્મ કરી મોતને ઘાટ ઉતારનાર આરોપી  રામપ્રસાદ ઉર્ફે લલનસિંહ ગૌણને સજા-એ- મોત આપવામાં આવ્યું છે. 14 એપ્રિલ 2022ના રોજ આ નરાધમે ફૂટપાથ પરથી બાળકીનું અપહરણ કર્યું હતું. જે બાદ હત્યા કર્યા બાદ મૃતદેહ દફનાવી દીધો હતો.

120 દિવસમાં કડક ચૂકાદો આવ્યો, પીડિત પરિવારને 3 લાખનું વળતર ચૂકવાશે: સરકારી વકીલ નયન સુખડવાળા
સમગ્ર મામલે પીડિત પરિવાર તરફથી કોર્ટમાં પક્ષ રાખતા સરકારી વકીલ નયન સુખડવાળાએ ચુકાદા બાદ પ્રતિક્રિયા આપી છે કે 14 એપ્રિલે ઘટના બની હતી. આરોપીએ દુષ્કર્મ આચરી મોટો પથ્થર મારી બાળકીની હત્યા કરી હતી. અને બાળકીનો મૃતદેહ ખાડામાં દાટી દીધો હતો. સરકાર તરફી 46 સાક્ષીઓ ની જુબાની રજૂ કરાઈ હતી.કોર્ટે CCTV ફૂટેજ સહિત ફોરેન્સિક પુરાવા માન્ય રાખ્યા છે. છોકરી ફૂટપાથ પર સૂતી હતી તે મામલે માતાની જુબાની લેવામાં આવી હતી. Cctv કેમેરામાં ફેસ રેકગનાઇઝેશન fslએ પુરવાર કર્યું હતું.આરોપીએ લાશ જ્યાં દાટી હતી તે સ્થળ પણ બતાવ્યુંસુનાવણી દરમિયાન ડોક્ટરની જુબાની પણ ખૂબ મહત્વની પુરવાર થઇ. પોકસો સાથે હત્યાની ઘટનાઓમાં ફાંસીની આ છઠ્ઠી ઘટના છે.120 દિવસમાં આ ઐતિહાસિક ચુકાદો આપી કોર્ટે દાખલો બેસાડયો છે.બાળકીના પરિવારને 3 લાખનું વળતર ચૂકવવાનો પણ કોર્ટે આદેશ કર્યો છે. 

કેવી રીતે બની હતી ઘટના
સુરતના પુણાગામ પાસે આવેલા પુલ નીચે રહેતા શ્રમીક પરીવારની બાળકી હતી. જે 13 એપ્રિલ 2022ના રોજ રાત્રે અચાનક ગુમ થઈ હતી. જે બાદ પરિવારે પોલીસને જાણ કરી હતી. તાત્કાલિકના ધોરણે પોલીસે બાળકીની શોધખોળ કરી હતી. જે બાદ 14 એપ્રિલની વહેલી સવારે બાળકીનો મૃતદેહ મેદાનમાંથી મળ્યો હતો. બાળકી સાથે દુષ્કર્મ થયું હોવાનો રિપોર્ટમાં તેમજ આરોપીની પૂછપરછમાં ખુલાસો થયો હતો. PC 376 અને 377ની વધારાની કલમો ઉમેરી પોલીસે કોર્ટમાં 15 દિવસમાં જ ચાર્જસીટ રજૂ કરી હતી.

સીસીટીવી ફૂટેજમાં આરોપી બાળકીને લઈ જતો હોય તેવુ દેખાઈ આવ્યું હતું
13 એપ્રિલના રોજ સુરતના પુણા વિસ્તારમાં વહેલી સવારે પાર્કિંગ વિસ્તારમાંથી એક પાંચ વર્ષની બાળકીની હત્યા કરાયેલી લાશ મળી આવતાં ભારે રોષ વ્યાપ્યો હતો. આ બનાવ બાદ પોલીસે સઘન તપાસ હાથ ધરી હતી. મધ્યપ્રદેશનો આરોપી રામપ્રસાદ ઉર્ફે લલનસિંહ ગૌણની પોલીસે ધરપકડ કરી હતી. આ આરોપી બાળકીને પીઠ પાછળ બેસાડીને લઈ જતો હોવાના CCTV સામે આવ્યાં. આ શખ્સ દુષ્કર્મ કરવાના ઈરાદે બાળકીને લઈ ગયો હતો. હવસ સંતોષી બાળકીને બેરહેમીથી મારી નાખી હતી. હવસખોર આરોપીને કોર્ટે ફાંસીની સજા સંભળાવતા ઘટનાના 120 દિવસ બાદ બાળકીના પરિવારને આજે ન્યાય મળ્યો.