અભિયાન / સુરત મનપા દ્વારા કોરોના પર કાબૂ મેળવવા શરુ કરાયું અભિયાન, 'માસ્ક નહીં તો ટોકીશું, કોરોનાને રોકીશું'

• કોરોના પર કાબૂ મેળવવા કવાયત
• SMCએ શરૂ કર્યું  'ASK A MASK'  
• મનપા કમિશન માસ્ક માટે કરશે અપીલ

ગુજરાતમાં કોરોનાને લઇને સૌથી વધારે ચિંતાજનક સ્થિતિ હોય તો તે અમદાવાદ અને સુરતની છે. આ બંને શહેરોમાં હાલ કોરોના સંક્રમિતોની સંખ્યા સતત વધી રહી છે. ત્યારે સુરતમાં કોરોનાને નાથવા મનપા દ્વારા અથાગ પ્રયત્નો કરવામાં આવી રહ્યાં છે. 
 

SMC દ્વારા 'Ask A Mask' અભિયાન લોન્ચ કરવામાં આવ્યું છે. આ અભિયાનમાં શહેર મનપાના કમિશ્નર માસ્ક વિશે સમજ આપશે. કમિશ્નરે લોકોને જણાવશે કે હાલ કોરોનામાં માસ્ક જ બ્રહ્માસ્ત્ર છે. 
 

સુરત મહાનગરપાલિકા કમિશનરશ્રી બંછાનિધી પાનીની જનતાને અપીલ જે લોકો જાહેરમાં માસ્ક વિના દેખાય તેઓને સહુની સલામતી માટે માસ્ક પહેરવા વિનંતી કરો. નમ્રતાથી પૂછો, મક્કમતાથી પૂછો #AskAMask સુરત મહાનગરપાલિકાનું મિશન #CoronaKoHarana
मास्क नहीं तो टोकेंगे, कोरोना को रोकेंगे। pic.twitter.com/KNAE4n6Bp3

— My Surat (@MySuratMySMC) December 6, 2020

સુરત મનપા કમિશ્નર દ્વારા સ્લોગન આપવામાં આવ્યું કે 'માસ્ક નહીં તો ટોકીશું, કોરોનાને રોકીશું.' શહેરમાં હાલ કોરોનાને લઇને સ્થિતિ ગંભીર હોવા છતા લોકો માસ્ક પહેરતાં નથી. બીજી તરફ માસ્ક ન પહેરવા આકરો દંડ છે ત્યારે પણ હજુ ઘણા લોકો માસ્ક વગર જોવા મળી રહ્યાં છે. ત્યારે હવે મનપા સોશિયલ મીડિયાથી લોકોને માસ્ક માટે અપીલ કરાશે.