કોરોના સંકટ / સુરતમાં વધતાં કોરોનાના કેસને લઇને તંત્ર હરકતમાં, નિયમોનું પાલન ન કરાતાં દુકાનો સીલ કરાઇ

• સુરતમાં કોરોનાના કેસનો આંક 6800 પર પહોંચ્યો
• સુરત ગ્રામ્યામાં બપોર સુધીમાં 139 કેસ
• સુરત શહેરમાં બપોર સુધીમાં 94 કેસ

ગુજરાતમાં કોરોના વાયરસની મહામારીનો આંકડો સતત વધી રહ્યો છે. સુરત શહેરમાં કોરોનાના દર્દીઓનો આંક હવે અમદાવાદને પણ પાછળ રાખી રહ્યો છે. આજે મંગળવારે બપોર સુધીમાં જ નવા કેસની વાત કરીએ તો કુલ 233 સામે આવ્યાં છે. 

જેમાં સુરત ગ્રામ્યમાંથી 139 કેસ જ્યારે શહેરની વાત કરીએ તો કુલ 94 કેસ સામે આવ્યાં છે. આમ ગ્રામ્ય અને શહેરના મળીને કુલ 233 કેસ સામે આવ્યાં છે. આમ સુરત સિટી અને જિલ્લામાં કુલ 6894 કેસ નોંધાયાં છે. 

સુરતમાં વધતા કેસને લઇને અનેક વિસ્તારોમાં દુકાનો સીલ કરાઇ

સુરતમાં સતત કોરોના કેસ વઘી રહ્યાં છે. કોરોનાના વધતા જતાં સંક્રમણને રોકવા માટે મહાનગરપાલિકા પણ એકશન મોડમાં આવી ગઇ છે.  નિયમોનું પાલન કરતા દુકાનોને સીલ કરવાની પ્રક્રિયા હાથ ધરાઇ છે.  યોગીચોક વિસ્તારમાં શોપિંગ મોલની દુકાનો સીલ કરી દેવાઇ છે. સ્વસ્તિક પ્લાઝા અને એપલ સ્કવેરમાં પણ મનપા દ્રારા દુકાનો સીલ કરાઇ છે.