કોરોનાની મહામારીમાં સુરતમાં એક વેપારીએ ઈમ્યુનિટિ બુસ્ટર પૌંઆ બનાવ્યા છે જે સુપર ડુપર હીટ રહ્યા છે આવો જાણીએ કેવા છે પૌંઆ? શરદપૂનમ અને તંદીપડવોના તહેવાર નિમિત્તે આ પૌંઆ લોકોમાં ખુબજ પોપ્યુલર બની રહ્યા છે.
સુરતમાં ફ્લેવરવાળા પૌઆની માગ
સુરતીઓને પસંદ પડ્યો સ્વાદ
10થી વધુ ફ્લેવરના પૌઆ
સુરતીઓ દરેક તહેવારને પોતાની રીતે ઉજવવામાં માને છે. અને આમ પણ ચંદીપડવો તેમજ શરદ પૂનમ નો તહેવાર સુરતીઓનો પોતીકો તહેવાર છે. હાલ કોરોના ની મહામારી ચાલી રહી છે ત્યારે સુરતના એક વેપારીએ ઇમ્યુનિટી બસ્ટર પૌઆ બનાવ્યા છે, બોર્નવિટા ફ્લેવર ના આ પૌઆ લોને પસંદ પણ પડી રહ્યા છે.
કોરોનાની મહામારી વચ્ચે નવરાત્રિની ઉજવણી તો નથી થઈ શકી. પરંતુ હવે ધીરે ધીરે કેસો ઘટવા માંડતા લોકો સલામતી અને સાવચેતી સાથે તહેવારોની ઉજવણી કરવા મન બનાવી રહ્યા હોય તેવું લાગી રહ્યું છે આજના યુથને સાદા પૌવા કરતા સ્વાદિષ્ટ પૌંવા ખાવાનું વધારે પસંદ છે. અને એટલા માટે જ ફ્લેવર્ડ પૌઆનો કોન્સેપ્ટ બજારમાં લાવવામાં આવ્યો છે.
કઈ કઈ ફ્લેવરના પૌંઆ મળતા હતા?
અત્યાર સુધી સુરતમાં મિક્સ ફ્રૂ, રોઝ, જમરૂખ, ચોકલેટ, બટરસ્કોચ, બદામ પિસ્તા, આઈસક્રીમ, હાપુસ મેંગો, પાઈનેપલ, કેસર બદામ પિસ્તા, રાસબેરી, કસાટા, કેસર, કેરેમલ, સ્ટ્રોબેરી, કોફીબદામ વગેરે પ્રકારના ફ્લેવર પૌવા મળતા હતા.
ઇમ્યુનિટી બુસ્ટર પૌંવા તૈયાર કરવામાં આવ્યા
પરંતુ હાલનો સમય થોડો અલગ છે. કોરોના માં લોકો ઇમ્યુનિટી વધારવા જાતજાતના પ્રયોગો કરી રહ્યા છે. ત્યારે તહેવારની ઉજવણીમાં ઇમ્યુનિટી પણ જળવાઈ રહે તે માટે ખાસ ઇમ્યુનિટી બુસ્ટર પૌંવા તૈયાર કરવામાં આવ્યા છે.
બોર્નવિટા અને કેરેમલના ટેસ્ટવાળા ઇમ્યુનિટી બુસ્ટર પૌંવા
સુરતના એક વિક્રેતા દ્વારા આ પહેલા હળદરના પૌવા તૈયાર કરવામાં આવ્યા હતા. જોકે હળદર લોકોને ભાવતું ન હોવાથી બોર્નવિટા અને કેરેમલના ટેસ્ટવાળા ઇમ્યુનિટી બુસ્ટર પૌંવા જે ઇમ્યુનિટી વધારે તેવા પૌંવા તૈયાર કરવામાં આવ્યા છે. જેનો સ્વાદ પણ લોકોને ખૂબ પસંદ આવી રહ્યો છે. કોરોનામાં ઇમ્યુનિટી પણ વધે અને સાથે સાથે તહેવારોની પણ ઉજવણી થાય તે હેતુથી લોકો પણ આ પૌવાની ખરીદી કરી રહ્યા છે.