મુલાકાત / અમદાવાદ બાદ સુરત કોરનાનું હોટસ્પોટ: CM રૂપાણી અને DYCM નીતિન પટેલ સુરત પહોંચ્યા

• સુરતની મુલાકાતે મુખ્યમંત્રી વિજય રૂપાણી
• કોરોનાના વધતા સંક્રમણને લઈને જિલ્લા કલેકટર સાથે બેઠક
• સુરતમાં સતત વધી રહ્યા છે કોરોનાના કેસ

સુરતમાં છેલ્લા 3 દિવસથી આરોગ્ય સચિવ સુરતમાં ધામા નાંખ્યા છે ત્યારે હવે CM રૂપાણી પણ સુરતમાં આવીને ખુદ પરીસ્થિતિને પામવાનો પ્રયાસ આદર્યો છે. તેમેણે જિલ્લા કલેક્ટર સાથે  બેઠક છે. 

કોરોનાને લઈને CM રૂપાણી અને DYCM નીતિન પટેલ સુરત પહોંચ્યા છે. જ્યાં કલેક્ટર કચેરીના કોન્ફરન્સ હોલમાં આ અંગે મિટિંગ ચાલી રહી છે જેમાં મુખ્ય સચિવ, આરોગ્ય અધિકારીઓ અને સુરતના ધારાસભ્યો પણ બેઠકમાં હાજર રહ્યા છે. 

વીનુ મોરડીયા, હર્ષ સંઘવી, કુમાર કાનાણી, વિવકે પટેલ, સંગીતા પાચીલ સહિતના ધારાસભ્યો મિટિંગમાં હાજર છે. સાંસદ સી આર પાટીલ અને દર્શન જરદોષ પણ હાજર રહ્યા હતા. 

સુરતમાં સતત કોરોના વાયરસના કેસોમાં વધારો થઇ રહ્યો છે. કોરોનાના વધતા કહેરને લઇને તંત્ર પણ ચિંતામાં છે. સુરતમાં વધતા કોરોના કેસોને લઇને મુખ્યમંત્રી વિજય રૂપાણી સુરતની મુલાકાતે પહોંચ્યા છે. કોરોનાના વધતા સંક્રમણને લઈને જિલ્લા કલેકટર સાથે બેઠક યોજાઈ છે. 

રાજ્યમાં કોરોના વાયરસના કેસમાં સતત વધારો થઈ રહ્યો છે. રાજ્યમાં વધુ 687 કેસ નોંધાયા છે, અને 18 દર્દીઓનાં મૃત્યુ થયા છે. જ્યારે એક જ દિવસમાં 340 દર્દીઓએ કોરોનાને મ્હાત આપી છે. એક દિવસમાં નોંધાયેલા કેસની વાત કરીએ તો. અમદાવાદમાં સૌથી વધુ 195, સુરતમાં 190, વડોદરામાં 50 અને જૂનાગઢમાં 24 કેસ નોંધાયા છે.

આ ઉપરાંત જામનગરમાં 12, ખેડા અને સુરેન્દ્રનગરમાં 14-14, ભરૂચ, પંચમહાલમાં 13-13, ભાવનગર અને પાટણમાં 11-11 કેસ નોંધાયા છે. તો ગાંધીનગર અને આણંદમાં 9-9, રાજકોટ, વલસાડ અને નવસારીમાં 6-6 તેમજ મહેસાણા, સાબરકાંઠા અને કચ્છમાં 5-5 કેસ નોંધાયા છે.

આમ રાજ્યમાં કોરોના પોઝિટિવનો કુલ આંક 34 હજાર 686 થયો છે. જ્યારે મોતનો કુલ આંક 1,906 અને ડિસ્ચાર્જનો કુલ આંક 24,941 પર પહોંચ્યો છે. હાલ રાજ્યમાં કુલ એક્ટિવ કેસોની સંખ્યા 7,839 છે, જેમાંથી 61 દર્દીઓ વેન્ટિલેટર પર જ્યારે 7,778 દર્દીઓની હાલત સ્થિર છે.

સળગતા સવાલ

• સુરતમાં કોરોનાથી વાસ્તવિક રીતે કેટલા મોત થયા?
• કોરોનાથી થતો મૃત્યુઆંક છૂપાવાઈ રહ્યો છે?
• સાચુ કોણ, સરકાર કે સુરત મહાપાલિકા?
• સરકાર અને SMCના આંકડામાં મોટો તફાવત કેમ?
• સરકાર કે સુરત મહાપાલિકા કોણ સાચા આંકડા નથી આપતું?
• શું અધિકારીઓ મહાપાલિકા અને સરકારને ખોટી માહિતી આપે છે?