સુરતમાં કોરોનાકાળ દરમિયાન યોજાનારી સ્થાનિક સ્વરાજ્યની ચૂંટણી પહેલા કોંગ્રેસના નેતા કોવિડ નિયમોનું ઉલ્લંઘન કરવામાં આવ્યું. વાયરલ થયેલા વીડિયોમાં કોંગ્રેસના નેતા નિલેષ કુંભાણીના ભોજન સમારંભમાં લોકોની ભીડ ઉમટેલી જોવા મળી. જો આ અગાઉ પણ નિલેષ કુંભાણીએ ભોજન સમારંભનું આયોજન કર્યું હતું.
સુરત કોંગ્રેસના નેતા નિલેષ કુંભાણીએ ફરી કર્યું નિયમોનું ઉલ્લંઘન
અગાઉ પણ નિલેષ કુંભાણીએ ભોજન સમારંભનું કર્યું હતું આયોજન
પોલીસે નિલેષ કુંભાણીની ધરપકડ પણ કરી હતી
ગુજરાતમાં હાલ સ્થાનિક સ્વરાજ્યની ચૂંટણીના ભણકારા વાગી રહ્યાં છે ત્યારે ભાજપ અને કોંગ્રેસ બંને માટે આજરોજ ખરાબ સમાચાર સામે આવી રહ્યાં છે. ભાજપ સરકારના કેબિનેટ મંત્રી કુંવરજી બાવળિયા સામે સરકારી જમીન પચાવી પાડવાના આરોપને લઇને કલેકટરમાં ફરિયાદ નોંધવામાં આવી છે.
જ્યારે સુરતમાં કોંગ્રેસન નેતા નિલેષ કુંભાણી ફરી વિવાદમાં ફસાતા જોવા મળી રહ્યાં છે. કોંગ્રેસ નેતા નિલેષ કુંભાણીએ કોરોનાકાળમાં ભોજન સમારંભનું આયોજન કરતાં લોકોની ભીડ ઉમટી જોવા મળી હતી.
ઉલ્લેખનીય છે કે આ અગાઉ પણ કોંગ્રેસ નેતા નિલેષ કુંભાણીએ ભોજપ સમારંભનું આયોજન કર્યું હતું. જેને લઇને પોલીસે કોંગ્રેસ નેતાની ધરપકડ કરી હતી. જો કે કોઇપણ પ્રકારની કડક કાર્યવાહી ન થતા ફરી આયોજન કરવામાં આવ્યું.
સળગતા સવાલ
નેતાઓ સામે ક્યારે યોગ્ય કાર્યવાહી કરશે પોલીસ?
શું પોલીસ નેતાઓ સામે કાર્યવાહી કરવાથી ડરે છે?
સામાન્ય જનતાને પાઠ ભણાવતી પોલીસ નેતાઓ સામે કેમ ઠંડી પડી જાય છે?
કોંગ્રેસના નેતા નિલેષ કુંભાણીને લોકોના જીવની નથી પડી?
કોંગ્રેસ નેતા નિલેષ કુંભાણીને માત્ર પોતાના કાર્યક્રમો યોજવામાં જ રસ છે?
કાયક્રમો યોજવાથી જે મુશ્કેલી આવશે તેની નિલેષ કુંભાણીને ચિંતા નથી?