સુરત: ડિંડોલી વિસ્તારમાં ક્લિનીકના ટેક્નીશિયન પર મહિલાઓએ અશ્લીલ વીડિયો બનાવવાનો આરોપ લગાવ્યો છે. 145 જેટલી મહિલાઓએ ક્લિનીકના ટેક્નિશીયન પર અશ્લીલ વીડિયો બનાવવાનો આરોપ લગાવ્યો છે. ટેક્નિશીયન મહમદ મંસુરી સારવારના નામે મહિલાઓને રૂમમાં લઈ જતો હતો.
રૂમમાં મહિલાઓની આંખો પર પટ્ટી બાંધીને વીડિયો ઉતારતો હતો. આ ઘટના બાદ મહિલાઓમાં રોષ જોવા મળ્યો હતો. મોટી સંખ્યામાં મહિલાઓ ટેક્નિશીયન મહમદ મંસુરીને લઈને પોલીસ સ્ટેશન પહોંચી હતી. પોલીસે આરોપીની ધરપકડ કરીને આગળની કાર્યવાહી હાથધરી છે.
આ ઘટના મળતી માહિતી અનુસાર આજરોજ સુરત શહેરના ડિંડોલી વિસ્તારની 145 મહિલાઓ પોલીસ સ્ટેશ પહોંચી હતી અને તેમણે તેમના વિસ્તારમાં આવેલ એક ક્લિનીકના ટેક્નિશીયન પર અશ્લીલ ક્લિપ બનાવવાનો આરોપ લગાવ્યો હતા.
મહિલાઓએ પોલીસ મથકે પોતાની વ્યથા જણાવતા કહ્યું કે આ ટેક્નીશીયન સારવારના નામે મહિલાઓને રૂમમાં લઇ જતો અને રૂમમાં મહિલાઓની આંખો પર પટ્ટી બાંધીને વીડિયો ઉતારતો હતો. જો કે આ મામલે સ્થાનિક પોલીસ અધિકારીએ આરોપીની ધરપકડ કરી કાયદેસરની કાર્યવાહી કરી હતી.