અમદાવાદ વી.એસ હોસ્પિટલમાં બેદરકારી બાદ હવે સુરતની સિવિલ હોસ્પિટલમાં બેદરકારીની ઘટના સામે આવી છે. સિવિલ હોસ્પિટલમાં ટ્રેઈની નર્સે ઈન્જેક્શન આપતા એક મહિલાને આડ અસર થઈ છે. આ ઈન્જેક્શન બાદ દર્દી મહિલાના હાથમાં પ્રવાહી પડતા હોસ્પિટલ દ્વારા ઘટનાને દબાવવાનો પ્રયાસ કરવામાં આવ્યો હતો. હોસ્પિટલના તબીબ દ્વારા મહિલા દર્દીના હાથનું ઓપરેશન પણ કરવામાં આવ્યુ હતું.
મળતી માહિતી મુજબ એક મહિલા લીવરની બીમારીના કારણે હોસ્પિટલમાં સારવાર કરાવવા માટે પહોંચી હતી. ત્યારે દર્દીને ટ્રેઈની નર્સ દ્વારા ઈન્જેક્શન આપવામાં આવ્યુ હતુ. ઈન્જેક્શન આપતી વખતે નસ ન પકડાતા મહિલાને વિપરીત અસર થઈ હતી. ત્યાર બાદ દર્દીના હાથમાં ફોલ્લાં નિકળ્યા હતા. તબીબોએ પોતાની ભૂલ છુપાવવા માટે દર્દીને ટ્રોમાં વિભાગમાં દાખલ કરી હતી. સાથે જ રાત્રી દરમિયાન દર્દીના હાથનું ઓપરેશન પણ કરવામાં આવ્યુ હતું.