સૂચન / જો જો ધક્કો ન થાય: સુરતીઓ ઓવરબ્રિજની કામગીરીને લઇને શહેરનો રિંગ રોડ 4 દિવસ સુધી આ સમયે રહેશે બંધ

• સુરતમાં ઓવરબ્રિજની કામગીરી
• રિંગ રોડ પર ચાલી રહી છે કામગીરી
• 4 દિવસ સુધી રસ્તો રહેશે બંધ

સુરતના રિંગ રોડ પર સહારા દરવાજાથી કરણીમાતા જંક્શનને જોડતા ઓવરબ્રિજના રેલવે ટ્રેક ઉપરના સ્પાન માટે ગર્ડર મુકવા રેલવે બ્લોકની મંજુરી મળી છે. 4થી 7 એપ્રિલ સુધી રોજ બપોરે 2 કલાકનો બ્લોક રહેશે. જેથી પાલિકા બપોરે 2.50 વાગ્યાથી 4.50 દરમ્યાન 40 ટનના કુલ 9 ગર્ડર મુકવાની કામગીરી શરૂ કરશે. આગામી મહિનામાં તમામ કામગીરી પૂર્ણ થવાની સંભાવના છે. પાલિકા ડિસેમ્બરથી રેલવે પાસે બ્લોકની માંગ કરી રહી હતી, જે લાંબી પ્રતિક્ષા અંતે સ્વીકારી લેવાઇ છે.

4થી 7 એપ્રિલ સુધી રોજ બપોરે 2 કલાકનો રસ્તો બ્લોક
સુરતના રિંગ રોડ પર સહારા દરવાજાથી કરણીમાતા જંક્શનને જોડતા ઓવરબ્રિજના રેલવે ટ્રેક ઉપરના સ્પાન માટે ગર્ડર મુકવા રેલવે બ્લોકની મંજુરી મળી છે. 4થી 7 એપ્રિલ સુધી રોજ બપોરે 2 કલાકનો બ્લોક રહેશે.  પહેલા દિવસે 2 ગર્ડર મુકી શકાશે. જોકે 4 દિવસના બ્લોક જોતાં સરેરાસ 3 ગર્ડર ગોઠવવા માટે પુરતા પ્રયાસ કરાશે. આ માટે 300-300 ટનની બે ક્રેઇન જ્યારે 500 ટનની એક ક્રેઇન કાર્યરત રહેશે. 500 ટનની 1 ક્રેઇન સ્ટેન્ડ બાય રહેશે. 300-300 ટનની ક્રેઇનને સમતલ રાખી મુળ સ્થિતિમાં લાવવા પ્રથમ 12 મીટર બહાર કઢાશે પછી 500 ટનની ક્રેઇનથી ઉપાડી પોઝિશન સુધી લઇ જવામાં આવશે. પાલિકાએ રિંગ રોડ ફલાય ઓવરની બેરિંગ બદલવાની કામગીરી ઝડપી બનાવવા વધુ જેક મંગાવ્યા છે. કુલ 54 સ્પાનની બેરિંગમાંથી 18ની બેરિંગ બદલી દેવાઈ છે.

રેલવે વિભાગના અધિકારીઓ ખડેપગે રહેશે
મહત્ત્વની વાત છે કે, આ બ્રિજની બંને સાઈડની 70 ટકા કામગીરી પૂર્ણ થઈ ગઈ છે. ગડર મુકવાની કામગીરીને લઇને સુરત મહાનગરપાલિકા દ્વારા છેલ્લા લાંબા સમયથી રેલવે પાસે મંજૂરી માગવામાં આવી હતી અને હવે જ્યારે આ મંજૂરી મળી છે ત્યારે નવ ગડર મુકવાની કામગીરી શરૂ કરવામાં આવશે. ગડર મુકવાની કામગીરી દરમિયાન રેલવે વિભાગના અધિકારીઓ દ્વારા પણ સુપરવિઝન કરવામાં આવશે