ગુજરાતમાં હાલ વરસાદની આગાહી વચ્ચે છેલ્લા થોડા દિવસથી સાર્વત્રિક મેઘમહેર જોવા મળી રહી છે. ત્યારે વરસાદના પગલે રાજ્યના ઘણા શહેરોમાં તંત્રની ઉદાસીનતા વચ્ચે ખાડાઓનું સામ્રાજય જોવા મળી રહ્યું છે. જેને લઇને સુરત શહેરમાં વરસાદ બાદ ખાડાનું સામ્રાજય જોવા મળી રહ્યું છે. શહેરના અનેક વિસ્તારમાં મસમોટા ખાડા જોવા મળ્યાં છે.
સુરત શહેરમાં વરસાદ બાદ ખાડાનું સામ્રાજ્ય
અનેક વિસ્તારમાં મસમોટા ખાડા જોવા મળ્યા
શહેરમાં ખાડાના સામ્રાજ્યથી લોકોને હાલાકી
ખાડાઓના સામ્રાજ્યથી રાહદારીઓમાં ભારે રોષ
સુરત શહેરમાં વરસાદ બાદ ખાડાઓનું સામ્રાજ્ય જોવા મળી રહ્યું છે. શહેરના અનેક વિસ્તારમાં મસમોટા ખાડાઓ જોવા મળી રહ્યાં છે. જેમાં લીંબાયત, સહારા દરવાજા, કતારગામ, વરિયાવી બજાર સહિતના વિસ્તારોમાં રસ્તા પર ખાડા પડી ગયા છે.
શહેરના અનેક વિસ્તારોમાં ઠેર ઠેર ખાડાઓથી રાહદારીઓ તોબા પોકારી ઉઠ્યા છે. ખાડાના કારણે લોકોમાં ભારે રોષ જોવા મળી રહ્યો છે. નેતાઓ અને જવાબદાર અધિકારીઓ પોતાની ઓફિસમાંથી બહાર નીકળી હકીકત જોઇ સુરતવાસીઓની પરેશાની દૂર કરે તેવી માગ ઉઠી છે.
બીજી તરફ કોંગ્રેસના કોર્પોરેટરે જણાવ્યું કે સુરતના 70 ટકા રોડ પર ખાડા પડ્યા છે. સુરત મનપા પાસે પુરતો સમય હોવા છતાં નક્કર કામગીરી ન કરી હોવાથી લોકો હાલાકી ભોગવી રહ્યાં છે. જો તંત્ર હવે નહીં જાગે તો મનપા ખાતે વિરોધ કરવાની ચીમકી ઉચ્ચારી છે.