ગુજરાતમાં વારંવાર 108 એમ્બ્યુલન્સને લઇને સવાલો ઉઠતા હોય છે. ત્યારે રાજ્યના સુરત શહેરમાં 108 એમ્બ્યુલન્સના કર્મચારીઓ દ્વારા ઇમર્જન્સીમાં મહિલાની મદદ કરી એક શ્રેષ્ઠ સેવા પુરી પાડી છે. 108 એમ્બ્યુલન્સ દ્વારા મહિલાની સમયસર મદદ કરી સ્ટ્રીટ લાઇટમાં પ્રસુતિ કરાવી.
પ્રાપ્ત મળતી વિગત અનુસાર સુરત શહેરમાં મોડી રાતે 3 વાગ્યાની આસપાસ મહિલાને રસ્તામાં પ્રસૂતિની પીડા ઉપડી હતી. જેને લઇને મહિલાએ રસ્તા પરથી પસાર થતા યુવક પાસે આ અંગે મદદ માગી હતી.
જો કે મહિલાની સ્થિતિને ધ્યાનમાં લઇને યુવકે 108 પર કોલ કરી ઘટના અંગેની જાણ કરી. જેને લઇને શહેરની 108 એમ્બ્યુલન્સની ટીમ તાબડતોડ ઘટના સ્થળે પહોંચી ગઇ હતી.
108 એમ્બ્યુલન્સની ટીમે ઘટના સ્થળે પહોંચી મહિલાની મદદ કરી. એમ્બ્યુલન્સની ટીમ દ્વારા રાત્રે 3 વાગ્યે સ્ટ્રીટ લાઇટના પ્રકાશમાં મહિલાની પ્રસૂતી કરી. આમ સુરત શહેરમાં 108 એમ્બ્યુલન્સ કર્મચારીની સરાહનીય કામગીરી સામે આવી છે.