સુરતના ઓલપાડમા સ્થિત સાયણમાં ફરી એક વખત ચોરીની ઘટના સામે આવી છે. ડેપ્યુટી સરપંચની દુકાન સહિત 5 દુકાનોના તાળા તુટયા છે. એક જ રાતમાં 5 દુકાનોના તાળા તુટતા પોલીસની નાઈટ પેટ્રોલીંગ પર પણ સવાલ ઉઠયા છે. 5 દુકાનોમાંથી તસ્કરો 21 હજાર રોકડ સહિત માલસામાનની ચોરી કરીને ફરાર થયા છે.
ઉલ્લેખનીય છે કે દુકાનમાં લાગેલા CCTV કેમેરમાં 2 તસ્કરો કેદ થયા છે. આ ઘટનાની જાણ થતા પોલીસકર્મીઓ ઘટની સ્થળે દોડી આવ્યા હતા ત્યારે હવે પોલીસે CCTVના આધારે તપાસ શરૂ કરી છે. 5 દુકાનોમાંથી તસ્કરો 21 હજારની રોકડ સહિત અન્ય મુદ્દા માલની ચોરી કરી રવાના થઇ ગયા હતા. જો કે સંજોગોવસાત દુકાનમાં લાગેલા કેમેરામાં આ બંન્ને તસ્કરો કેદ થઇ ગયા છે તસ્કરીની આ ઘટનાને પગલે પોલીસને જાણ થતા પોલીસકર્મી ઘટનાસ્થળે દોડી આવ્યા હતા અને CCTV ના આધારે વધુ તપાસ હાથ ધરી છે.
આપને જણાવી દઇએ કે અગાઉ પણ સુરતમાં અનેક ચોરીની ઘટનાઓ બની છે. ત્યારે આજરોજ વધુ એક ચોરીની ઘટના સામે આવતા પોલીસ દોડતી થઇ હતી અને વધુ તપાસ માટે ઘટના સ્થળે પહોંચીને તપાસ હાથ ધરી હતી.