ગુજરાતમાં એક એવી ઘટના સામે આવી છે જે જોઈને સલામત ગુજરાતના બધા દાવા પોકળ લાગે. સટ્ટો એક પરિવારને કેવી રીતે બરબાદ કરી શકે તેનું જીવતું જાગતું ઉદાહણ સામે આવ્યું છે. સુરતના બુકીએ અમદાવાદના વેપારીનું જીવવું હરામ કરી દીધું હતુ.
ઘરમાં ગોધી રાખ્યા
ગુજરાતમાં સટ્ટાખોર બેફામ બન્યા છે. સુરતના બુકી શૈલેષ ગાંડાલાલના માણસોએ વાસણાના એક વેપારીને ઘરમાં આખો દિવસ ગોંધી રાખ્યો હતો.
વાસાણાના રાજેશ વડેચા સટ્ટામાં 35 લાખ હાર્યા હતા
પિસ્તોલ બતાવી બુકી શૈલેષના 10 ગુંડાઓએ વાસણાના વેપારી રાજેશ વડેચાના પરિવારને ઘરમાં ગોંધી રાખ્યો હતો. વાસાણાના રાજેશ વડેચા સટ્ટામાં 35 લાખ હાર્યા હતા. અને પૈસા હારી જતા બુકીએ 2018માં બંદુક બતાવી અને બંગલો પડાવી લીધો હતો.
રાજેશ વડેચાનું 1.5 કરોડનું મકાન પણ પચાવી પાડ્યું
આટલેથી ન અટકતાં 2018માં અવારનવાર પોતાના ગુંડાઓ મોકલતો હતો. અને થોડા દિવસ પહેલા જ વેપારીને અપહરણની ધમકી આપી હતી. જેનો ઓડિયો પણ સામે આવ્યો છે. બુકી શૈલેષ ગાંડાલાલે રાજેશ વડેચાનું 1.5 કરોડનું મકાન પણ પચાવી પાડ્યું. ત્યારે રાજેશ વડેચાએ બુકીના ગુંડાઓથી બચવા પોલીસ બોલાવી પડી. અને ત્યાર બાદ પરિવારનો છૂટકારો થયો. જો કે વાસણા પોલીસે ફરિયાદ લીધા વિના જ ગુંડાઓને જવા દીધા.