ગુજરાત ભાજપ પ્રદેશ પ્રમુખ નવસારી સાંસદ C R પાટીલા સન્માનમાં સુરત શહેર ભાજપ દ્વારા કાર રેલીનું આયોજન કરવામાં આવ્યું છે. આ માટે ખાસ તૈયારીઓ કરવામાં આવી છે. અને કોરોના કાળમાં રેલી ચર્ચાનું કારણ ન બને તે માટે કાર રેલી કાઢવાનું નક્કી કરવામાં આવ્યું છે. જો કે આવા કપરા કાળમાં ઉજવણીની રેલી ટીકાને પાત્ર તો છે જ તેવો ગણગણાટ પણ ઉઠી રહ્યો છે.
ગુજરાત ભાજપના નવા અધ્યક્ષનું સુરતમાં કરાશે ભવ્ય સ્વાગત
પ્રદેશ પ્રમુખ સી.આર.પાટીલના સ્વાગતમાં યોજાશે કાર રેલી
વાલક પાટીયાથી સોસ્યો સર્કલ સુધી કાર રેલીનું આયોજન
ભાજપના નવા પ્રદેશ પ્રમુખ સી.આર.પાટીલનું સુરતમાં ભવ્ય સ્વાગત કરાશે. ભાજપ પ્રદેશ પ્રમુખના સ્વાગતમાં કાર રેલી યોજવામાં આવશે. વાલક પાટિયાથી સોસ્યો સર્કલ સુધી કાર રેલી યોજાશે. જે સી.આર.પાટીલના કાર્યલાયે રેલીનું સમાપન થશે. બપોરે 12 વાગે રેલીનું પ્રસ્થાન કરાવાશે. વાલક પાટીયાથી રેલી શરૂ થશે. રેલી સીમાડા નાકા, કાપોદ્રા, હીરાબાગ, મીની બજાર, ભવાની સર્કલ, અસ્કાપુરી બ્રિજ સહિત 16 જગ્યાએ ફરશે. અને બાજમાં સી.આર.પાટીલના કાર્યાલયે રેલીનું સમાપન થશે.
આ અંગે સુરત શહેર ભાજપના અધ્યક્ષ નીતિન ભજીયાવાળાએ જણાવ્યું કે, લગભગ 24 વર્ષ બાદ દક્ષિણ ગુજરાતમાંથી કાશીરામ રાણા બાદ સીઆર પાટીલને આ જવાબદારી સોંપાઈ છે ત્યારે દરેક કાર્યકરો તેમને આવકારવા ઉત્સુક છે અને 30 કિ.મી.ની વિશાળ કાર રેલી દ્વારા શહેરના વિસ્તારમાં ફરીને તેમનું સ્વાગત કરવામાં આવશે. મહત્વપૂર્ણ છે કે, અગાઉ એરપોર્ટથી રેલી નીકળવાની હતી. જો કે સી આર પાટીલ બાય રોડ સુરત આવવાના હોવાથી વાલકથી તેમનું સ્વાગત કરવાનું આયોજન કરવામાં આવ્યું છે.
સ્વાગત કાર્યક્રમમાં કાર કોઈ બાઈક નહી પરંતુ કાર લઈને કાર્યકરોને આવવું ફરજીયાત છે. ચાલુ રેલીએ કારમાંથી બહાર નહીં નીકળી શકાય. ફોર વ્હિલરમાં દરેક વ્યક્તિઓએ માસ્ક ફરજીયાત પહેરવાનું રહેશે. ફોર વ્હિલરમાં સીટ બેલ્ટ ફરજીયાત બાંધવાના રહેશે. સોશિયલ ડિસ્ટન્સનું પાલ કરવાનું રહેશે. કાર રેલી દરમિયાન કોઈએ પણ ઓવરટેક કરવું નહીં. એક કારમાં ત્રણ જ વ્યક્તિઓને બેસવાનું રહેશે. સાથે જ સરકારના અન્ય નિયમોનું પણ ચુસ્ત પણે પાલન કરવાનું રહેશે તેમ તેમણે વધુમાં ઉમેર્યું હતું.