Video / સુરતમાં સ્થાનિકોએ પૂછ્યા એવા સવાલ કે મત માંગવા આવેલા BJP નેતાઓએ ચાલતી પકડી, જુઓ Video

• ભાજપના ઉમેદવારો પર સવાલોનો મારો
• જવાબ ના આપી શક્યા ઉમેદવારો
• વાયદાઓ પુરા ના કરતા લોકોમાં રોષ
• ભાજપના ઉમેદવારોએ ચાલતી પકડી
• જરૂરીયાતો પૂરી ન થયાનો લોકમત

સુરત વોર્ડ નં-6માં ભાજપના ઉમેદવારોને લોકોએ ભગાડ્યા

ગુજરાતમાં સ્થાનિક સ્વરાજની ચૂંટણી માટે હવે પ્રચાર અંતિમ ચરણોમાં છે અને બધી જ રાજકીય પાર્ટીઓ પોતાનું એડીચોટીનું જોર લગાવી રહી છે. જોકે આ પ્રચારની વચ્ચે સુરતથી એક વીડિયો સામે આવ્યો છે જેમાં સ્થાનિકોએ ભાજપ નેતાઓને ભગાડ્યા છે. 

પ્રચારમાં ગયેલા BJP ઉમેદવારો પર સવાલોનો મારો

સુરતમાં વૉર્ડ 6માં ભાજપના ઉમેદવારો પ્રજાના વોટ લેવા માટે આવ્યા હતા. જોકે આ અહિયાં ભાજપ નેતાઓને સ્થાનિકોના રોષનો સામનો કરવો પડ્યો. આટલું જ નહીં સ્થાનિક લોકોએ એવા એવા સવાલ કર્યા કે નેતાજીઑએ તરત ત્યાંથી ચાલતી પકડી લીધી. 

હવે જનતા જાગી છે : સુરતમાં લોકોએ પૂછ્યા એવા સવાલ કે મત માંગવા આવેલા નેતાઓએ ચાલતી પકડી #Surat #vtvgujarati #LocalElections #vtvnews #vtvtweets pic.twitter.com/OwJqKF0Vzo

— VTV Gujarati News and Beyond (@VtvGujarati) February 18, 2021

માજી મેયરના વોર્ડમાં જ જરૂરીયાતો પૂરી ન થયાનો લોકમત

નોંધનીય છે કે સ્થાનિક લોકોમાં ભાજપ નેતાઓ સામે રોષ જોવા મળ્યો છે તેની પાછળ લોકોના કામ પૂરા ન થયા હોવાનું સામે આવ્યું છે. આ વોર્ડ માજી મેયર જગદીશ પટેલનો જ વોર્ડ છે અને માજી મેયરના જ વોર્ડમાં આ પ્રકારે જનતા કામ પૂરા ન થયા હોવાના આક્ષેપ લાગવા એ ગંભીર બાબત છે. 

સવાલના જવાબ ન આપી શકતા ઉમેદવારોએ ચાલતી પકડી

ભાજપ નેતાઓ અહિયાં સભા કરી રહ્યા હતા અને સ્થાનિકોએ આવીને રોષ વ્યક્ત કર્યો. પ્રચારમાં ગયેલા BJP ઉમેદવારો પર સવાલોનો મારો કરવામાં આવ્યો. સુરતની શિવછાયા સોસાયટીનો આ વીડિયો વાયરલ થઈ રહ્યો છે. મેનિફેસ્ટોના વાયદા પુરા ન કરાતા લોકોમાં રોષ જોવા મળી રહ્યો છે અને સ્થાનિકોના સવાલોનો જવાબ નેતાજી ન આપી શક્યા અને ઉમેદવારોએ ચાલતી પકડી હતી.