સુરત BJPના કોર્પોરેટર નેન્સી સુમરાની ધરપકડ પિતા-ભાઇએ લીધી હતી લાંચ

સુરતઃ ભાજપના કોર્પોરેટર નેન્સી સુમરાની ધરપકડ કરાઈ છે. નેન્સીના ભાઈ અને પિતાએ બાંધકામની મંજૂરી માટે 55 હજારની લાંચ લીધી હતી. આ માટે નેન્સીના મોબાઈલનો ઉપયોગ કર્યો હતો. જે બાદ પોલીસે પિતા-પુત્રની ધરપકડ કરી હતી.

જ્યારે નેન્સી ફરાર થઈ ગઈ હતી. પરંતુ આખરે પોલીસે ફરાર નેન્સીને પણ શોધી કાઢી છે. હાલ ACBની ટીમ નેન્સી સુમરાની પુછપરછ કરી રહી છે. જે બાદ જ જાણી શકાશે છે નેન્સી આ સમગ્ર પ્રકરણમાં શું ભુમીકા છે.

ઉલ્લેખનીય છે કે ACBએ ચોગઠુ ગોઠવીને નેન્સીના પિતા-પુત્રને રૂ.55000 રૂપિયાની લાંચ લેતા ઝડપી લીધા હતા. જો કે નેન્સીના પિતા અને ભાઇ મ્યુ.કોર્પોરેશનની વેબસાઇટ પર દર્શાવેલા નંબર દ્વારા ફોન કરીને લાંચ માંગતા હતા.

ત્યારબાદ નેન્સીની પુછપરછ હાથ ધરાઇ હતી. જેમાં અનેક ખુલાસાઓ સામે આવી શકે તેવી સંભાવનાઓ છે. ત્યારે હાલ નેન્સીના પિતા અને ભાઇને ધરપકડ કરી લીધી છે.