નિયમનું ઉલ્લંઘન / સુરત ભાજપના મહિલા કોર્પોરેટર ગીતા રબારી આવ્યા વિવાદમાં, કોરોના મહામારી વચ્ચે ઉજવ્યો જન્મદિવસ

• કોરોના મહામારી વચ્ચે ભાજપના કોર્પોરેટર ગીતા રબારીએ ઉજવ્યો જન્મદિવસ
• જમણવારમાં આવેલા 4 મહેમાનોનો કોરોના રિપોર્ટ પોઝિટિવ
• જમણવારમાં સોશિયલ ડિસ્ટન્સના નિયમોનું ઉલ્લંઘન

સુરતના ભાજપના મહિલા કોર્પોરેટર ગીતા રબારી વિવાદમાં આવ્યા છે. કોરોના મહામારી વચ્ચે કોર્પોરેટર ગીતા રબારીએ પોતાના જન્મદિવસની ઉજવણી કરતાં વિવાદ વકર્યો છે. કોર્પોરેટરે કોરોના સંકટ વચ્ચે જન્મદિવસ ઉજવતાં વિપક્ષ દ્વારા નિશાન તાકવામાં આવ્યું છે. 

જન્મ દિવસની પાર્ટીમાં સુરત શહેરના કોર્પોરેટર ગીતા રબારીએ જમણવાર રાખ્યું હતુ. આ જમણવારમાં આવેલા 4 મહેમાનોનો કોરોનાનો રિપોર્ટ પોઝિટિવ આવ્યો છે. જ્યારે અન્ય એક મહિલા કોર્પોરેટરના પતિ પણ કોરોનાગ્રસ્ત થયા છે.

કોર્પોરેટરે રાખેલા જમણવારમાં સોશિયલ ડિસ્ટન્સના નિયમોનું ઉલ્લંઘન થયુ હોવાનું સામે આવ્યું છે. કોર્પોરેટર ગીતા રબારીએ પાર્ટી કર્યા બાદ પણ SMC દ્વારા કોઈ કાર્યવાહી ન કરવામાં આવતા અનેક સવાલ થઈ રહ્યા છે.

સળગતા સવાલ

• સરકારનું જાહેરાનામું કોર્પોરેટરને લાગૂ પડતુ નથી?
• કોરોના મહામારી વચ્ચે કોર્પોરેટરને જન્મદિવસ ઉજવવો જરૂરી છે?
• લોકોના લગ્ન રદ થયા,પરંતુ કોર્પોરેટરે જન્મ દિવસ ઉજવવો છે?
• કોર્પોરેટરે કોની મંજૂરી લઈને જન્મ દિવસની ઉજવણી કરી હતી?
• પાર્ટી કરવા બાબતે SMC દ્વારા કોર્પોરેટર સામે કાર્યવાહી કરાશે?
• શું જાણકારી હોવા બાદ પણ SMC અજાણ બને છે?
• પાર્ટીમાં બોલાવેલા 4 કોરોના પોઝિટિવ લોકોથી અન્ય સંક્રમિત થશે તો?