સુરતમાં ભાજપનો વિકાસ કે વિલાસ? ભાજપના કોર્પોરેટરનો મદિરામાં મસ્ત થઈને ઝુમતો વીડિયો વાયરલ થયો છે. આ વીડિયો વાયરલ થયા બાદ નગરસેવક ફરાર થઈ ગયા છે. દારૂબંધીની દુહાઈ દેતી ગુજરાત સરકારના નેતાઓ જ બેફામ બની દારૂની મહેફિલ માણે છે.
પારસી પંચાયત મકાનમાં યોજાઇ હતી ન્યૂ યર પાર્ટી
વીડિયો વાયરલ થયા બાદ કોર્પોરેટર ફરાર
સગરામપુરા વિસ્તારના છે ભાજપના નગરસેવક
સુરતમાં ભાજપના કોર્પોરેટરની દારૂની મહેફિલનો વીડિયો સામે આવ્યો છે. કોર્પોરેટર શરમના માર્યા જ્યારથી વીડિયો સામે આવ્યો ત્યારથી ફરાર થઈ ગયા છે. જો કે પોલીસે આ અંગે હવે તપાસ હાથ ધરી છે.
નગરસેવક વીડિયો વાયરલ થયા બાદ ફરાર
સુરતમાં નગરસેવકની દારૂની મહેફિલનો વીડિયો વાયરલ થયા બાદ નારગોલ પોલીસ હરકતમાં આવી છે. અને વાયરલ વીડિયો મુદ્દે પોલીસે તપાસ શરૂ કરી છે. દારૂની મહેફિલનો વીડિયો વાયરલ થયા બાદ કોર્પોરેટર પિયુષ જરીવાલા ફરાર થઇ ગયા છે.
ક્યાં યોજાઈ હતી મહેફિલ
સુરતમાં જ પારસી પંચાયત મકાનમાં ન્યૂ યર પાર્ટી યોજાઇ હતી. વીડિયોમાં જોવા મળતા સગરામપુરા વિસ્તારના ભાજપના કોર્પોરેટર છે.