સુરત બિટકોઈન કૌભાંડ મામલે CID ક્રાઇમે સતીશ કુંભાણી સામે લુક આઉટ નોટિસ ઈશ્યુ કરી

સુરત બિટકોઈન કૌભાંડ મામલે સતીશ કુંભાણી પર સકંજો કસાયો છે. બિટકોઈન કૌભાંડના આરોપી સતીશ કુંભાણી સામે CID ક્રાઈમે લુક આઉટ નોટિસ ઈશ્યું કરી છે. તમને જણાવીયે કે બિટકોઈન કૌભાંડનો આરોપી સતીષ કુંભાણી હાલ વિદેશમાં છે ત્યારે CID ક્રાઈમે તેની સામે લુક આઉટ નોટિસ ઈશ્યું કરી છે.

બિટકોઈન કૌભાંડના આરોપી દિવ્યેશ દરજીની ટ્રાન્સફર વોરંટના આધારે ધરપકડ કરવામાં આવી હતી ત્યારે હવે દિવ્યેશ દરજી બાદ સતીશ કુંભાણી સામે પણ કડક કાર્યવાહી હાથ ધરવામાં આવશે. CID ક્રાઈમે દિવ્યેશ દરજીના સાગરિત મેહુલ પચ્ચીગરની પૂછપરછ હાથ ધરી છે.

ઉલ્લેખનીય છે કે બિટકોઈન કૌભાંડમાં અત્યાર સુધી 3 કરોડની ફરિયાદ નોંધાઈ છે. બિટકોઈન કૌભાંડનો ભોગ બનાનાર 14 જેટલા લોકોએ CID ક્રાઈમનો સંપર્ક કર્યો છે. ભોગ બનનારા લોકોની રજૂઆત બાદ હવે CID ક્રાઈમે કડક કાર્યવાહી શરૂ કરી છે.