બિટકોઇન તોડકાંડમાં નવો વળાંકઃ ફરિયાદી શૈલેશ ભટ્ટ વિરૂદ્ધ ફરિયાદ દાખલ થતા સંપર્ક વિહોણા

સુરતઃ મસમોટા બિટકોઇન કૌભાંડ મામલે નવા ખુલાસાઓ થઇ રહ્યા છે. ફરિયાદી શૈલેષ ભટ્ટ પર જ આરોપો લાગી રહ્યા છે. CID ક્રાઇમ દ્વારા શૈલેશ ભટ્ટ વિરૂદ્ધ ફરિયાદ દાખલ કરી છે. અત્યાર સુધી પીડિત કહેવાતા શૈલેશ ભટ્ટ પર ફરિયાદ દાખલ કરવામાં આવી છે. તેમના પર 113 કરોડ રૂપિયાના બિટકોઇન પડાવવાનો આરોપ લાગ્યો છે.

મહત્વનું છે કે શૈલેશ ભટ્ટ પર બિટકોઇન પડાવી લેવા અને અપહરણ-મારામારી સહિતના આરોપો લાગ્યા છે. ક્રાઇમ દ્વારા આદરવામાં આવેલી તપાસમાં નવો વળાંક આવ્યો છે. પિયુષ સાવલિયાએ પૂછપરછમાં આ ખુલાસો કર્યો છે.


ઉલ્લેખનીય છે કે ક્રાઇમ દ્વારા ફરિયાદ નોંધાયા બાદથી શૈલેશ ભટ્ટ સંપર્ક વિહોણા છે. પરંતુ તેમના સગિરાતોની સીઆઇડી ક્રાઇમ દ્વારા ધરપકડ કરવામાં આવી છે. આ પહેલા નલિન કોટડિયા વિરૂદ્ધ બિનજામીનપાત્ર ધરપકડ વોરંટ ઇસ્યુ થયું હતું. પરંતુ હજુ સુધી તેમની ધરપકડ નથી થઇ.


બિટકોઈન મુદ્દે CID ક્રાઈમના DIG દિપાંકર ત્રિવેદીની પ્રેસ કોન્ફરન્સ યોજાઇ હતી. જેમાં તેમણે જણાવ્યું કે બિટકનેક્ટ નામની કંપનીએ સ્કીમ લોંચ કરી હતી. કંપનીએ 4 સ્કીમો મુકી હતી. બિટકનેક્ટ નામની કંપની પાસેથી શેલેષ ભટ્ટે બિટકોઇન મેળવ્યા હતા. સુરતમાં બિટકોઇનના મોટા વહીવટ ચાલે છે. 2009માં બિટકોઇનમાં સતત વધારો આવ્યો છે. આ કંપનીમાં લોકોએ રોકાણ કર્યુ હતું. 


સતીષ કુંભાણીએ પણ બિટકોઇનમાંથી રૂપિયા મેળવ્યા હતા. બિટકોઈનમાં જે લોકોએ રોકાણ કર્યું ત્યારે 16 ગણો ભાવ મળતો હતો. જેમાં શેલેષ ભટ્ટે બિટકોઇનમાં બે કરોડનુ રોકાણ કર્યુ હતું. ત્યાર બાદ કંપનીએ પોતાના જ કોઈન્સ લોન્ચ કર્યા હતા. શૈલેષ ભટ્ટે પણ સતિષ કુંભાણીની કંપનીમાં રોકાણ કર્યુ હતું. 2256 બિટકોઈનની કિંમત 136 કરોડ જેટલી થાય છે. આ સમગ્ર કાંડમાં કિરીટ પાલડીયાની મદદ લીધી હતી. ત્યાર બાદ કિરીટ પાલડીયાએ કોઈનને નાણાંમાં કન્વર્ટ કર્યા હતા. પિયુશ સાવલિયા વિદેશ જતો રહ્યો હતો. ધવલ માવાણી પણ વિદેશ ભાગી ગયો હતો.


શૈલેષ ભટ્ટે ધવલ માવાણીનું અપહરણ કર્યુ હતું
આ પ્રથમ તપાસ પૂર્ણ થવાના આરે હતી ત્યારે આ વિગતો અમારે ધ્યાને આવી છે. 2256 બિટકોઈનની કિંમત 136 કરોડ જેટલી થાય છે. 2018 જાન્યુ-ફેબ્રુઆરીમાં કંપની ડૂબી ગઈ હતી. કંપની ડૂબી જતાં શૈલેષ કુંભાણી ભાગી ગયો હતો. બાદમાં શૈલેષ ભટ્ટ ધવલ માવાણીના સંપર્કમાં આવ્યો હતો. 1 ફેબ્રુઆરીએ શૈલેષ ભટ્ટે ધવલ માવાણીનું અપહરણ કર્યુ હતું. આ કેસમાં બેની ધરપકડ કરી છે. ત્યાર બાદ કિરીટ પાલડીયાએ કોઈનને નાણાંમાં કન્વર્ટ કર્યા હતા. પીયુષ સાવલિયા વિદેશ જતો રહ્યો હતો. 


નલિન કોટડીયા નહીં મળે તો અન્ય કલમો ઉમેરીશું
મહત્વનું છે કે આ કેસમાં 2 વ્યક્તિની ધરપકડ કરી છે. ધવલ માવાણીએ 2256 બિટકોઈન આપ્યા હતા. બાદમાં 2300થી વધારે બિટકોઈન શૈલેષ ભટ્ટે પડાવી લીધા હતા. જરૂર પડશે તો બિટકનેક્ટ કંપની વિરુદ્ધ પણ ગુનો દાખલ કરીશું. શૈલેષ ભટ્ટને અમે શોધી રહ્યા છીએ.શૈલેષ ભટ્ટના સાગરીતોએ ઇન્કમ ટેક્સ અધિકારી છે. ધવલ માવાણીનું અપહરણ કર્યું ત્યારે સુરત ક્રાઇમ બ્રાન્ચની ઓળખ આપી હતી. નલિન કોટડીયા નહીં મળે તો અન્ય કલમોનો ઉમેરો કરી ગુનો નોંધીશું. નલિન કોટડિયાની ધરપકડ કરવા અલગ અલગ ટીમો બનાવી છે.


બિટકોઈન કૌભાંડ મામલે કિરીટ પાલટડીયાનુ પણ નામ સામે આવ્યું છે. ત્યારે કિરીટ પાલડીયા સાથે VTVએ વાતચીત કરતા કિરીટે જણાવ્યુ કે શૈલેષ બિલ્ડર નથી. તેણે અત્યાર સુધીમાં કોઈ પણ બિલ્ડરનું કામ કર્યુ નથી. શૈલેષ અત્યાર સુધીમાં ઘણા લોકો સાથે છેતરપિંડી કરી છે. અને આ મામલે પોલીસે તે દિશામાં તપાસ કરવી જોઈએ. સાથે જ પાલડીયાએ કહ્યુ કે બિટકોઈન કૌભાંડ મામલે મને ખોટી રીતે ફસાવવામાં આવ્યો છે.