સુરતઃ 1800 કરોડના બિટકોઇન કૌભાંડ મામલે મુખ્ય સૂત્રધાર દિવ્યેશ દરજીના રિમાન્ડ દરમિયાન ચોંકાવનારી વિગતો આવી શકે છે. દિવ્યેશ દરજીની CID ક્રાઈમે ધરપકડ કરી છે. બીટ કનેક્ટના ખરીદ વેચાણ પર દિવ્યેશને કમિશન મળતું હતું. સતીશ કુંભાણી પછી બીટ કનેક્ટમાં સૌથી વગદાર વ્યકિત દિવ્યેશ હતો. મલ્ટી લેવલ માર્કેટિંગ સહિતની જુદી જુદી વળતર સ્કીમો દિવ્યેશના ભેજાની ઉપજ હતી. અને દિવ્યેશે સુરતના બિલ્ડરોને બીટ કનેક્ટમાં રોકાણ કરાવ્યું હતું. સોશિયલ મીડિયામાં બીટ કનેક્ટને પ્રમોટ કરવામાં દિવ્યેશની મુખ્ય ભૂમિકા હતી.
મહત્વનું છે કે સુરત બીટકોઈન મામલે દિવ્યેશ દરજીને કોર્ટમાં હાજર કરવામાં આવ્યો હતો. સુરત ચીફ મેજીસ્ટ્રેટની કોર્ટમાં રજૂ કરવામાં આવ્યો હતો. કોર્ટમાં દિવ્યેશના 14 દિવસના રિમાન્ડની માગ કરવામાં આવી હતી.
ઉલ્લેખનીય છે કે બિટકોઈન તોડકાંડના મુખ્યસુત્રધાર દિવ્યેશ દરજીની ધરપકડ કરવામાં આવી હતી. દૂબઈથી દિલ્હી આવતા એરપોર્ટ પર દિવ્યેશની ધરપકડ ક્રાઈમ બ્રાન્ચની ટીમે કરી હતી. હાલ દિવ્યેશની ક્રાઈમ બ્રાન્ચ ઉલટ તપાસ હાથ ધરી રહી છે. ત્યારે આ મામલે કેટલાક ખુલાસાઓ સામે આવી રહ્યા છે. દિવ્યેશ સુરતની યુનિયન સ્કુલનો શિક્ષક હતો અને તે મોટિવેશનલ સ્પિકર પણ હતો. ત્યારે જોવું એ રહ્યું કે વધુ કેટલાક નવા ખુલાસાઓ સામે આવે છે.
ત્યારે અહી અનેક સવાલ થાય છે કે શું મોટા માથાઓને બચાવવા દિવ્યેશને સૂત્રધાર બનાવાયો? દિવ્યેશ પાસેથી મહત્વની કડી સુધી પહોંચશે પોલીસ? દિવ્યેશને દબોચનાર CID ક્રાઇમ બ્રાંચ કોટડિયાને કેમ નથી પકડી શકતી? કોટડિયાનું પગેરૂ મેળવવામાં કેમ નિષ્ફળ રહે છે CID ક્રાઇમ? બીટ કને~ટના ખરીદ-વેચાણ પર અત્યાર સુધી કેટલુ કમિશન લીધું? દિવ્યેશે સુરતના બિલ્ડરોને કેટલું રોકાણ કરાવ્યું હતું? જેવા અનેક સવાલો અહી થાય છે.