સુરતઃ રાજ્યના બહુચર્તીચ બીટકોઈન કૌભાંડમાં નેતાઓ અને અધિકારીઓની સંડોવણી ખૂલી રહી છે ત્યારે આ મામલે તપાસનો રેલો ધારી બેઠક પરથી પૂર્વ ધારાસભ્ય નલીન કોટડીયા સુધી પહોંચ્યો છે. આ કેસમાં નલીન કોટડીયાની મોટી ભૂમિકા હોય તેવું સામે આવી રહ્યું છે. નલીન કોટડીયા ફરિયાદી શૈલેષ ભટ્ટને ગૃહમંત્રી સાથે મુલાકાત કરાવવા માટે લઈ ગયા હતા. પરંતુ મુલાકાતને બદલે મંત્રાલયની બહાર જ તેમણે ફરિયાદીને મામલો પતાવી દેવા માટે કહ્યું હતું. આમ આ મામલે કોટડીયા પતાવટની ભૂમિકામાં હોય તેવું લાગી રહ્યું છે.
આ ઉપરાંત કોટડીયા આ કેસના આરોપી જગદીશ પટેલ સાથે સંપર્કમાં હતા અને જગદીશ પટેલની ધરપકડ બાદ કોટડીયા પણ પોતાના ત્રણેય મોબાઈલ બંધ કરીને ભુગર્ભમાં ઉતરી ગયા છે. ત્યારે હાલ ભાજપના પૂર્વ ધારસભ્ય નલિન કોટડિયાની ગમે ત્યારે ધરપકડ થઇ શકે છે. CID ક્રાઇમે અમરેલીના એસપી જગદિશ પટેલની ધરપકડ કરી છે હવે નલિન કોટડિયાની પણ ધરપકડ થઇ શકે છે.
કોટડીયાની શું છે ભૂમિકા?
ભાજપના પૂર્વ ધારસભ્ય નલિન કોટડિયાની ગમે ત્યારે ધરપકડ થઇ શકે છે. ત્યારે તેમા કોટડીયાની ભૂમિકા શું છે? કરોડો રૂપિયાના બીટકોઇન પડાવી લેવા મામલે પૂર્વ ધારાસભ્ય નલીન કોટડીયા પતાવટની ભૂમિકામાં હતા? ફરિયાદીને ગૃહમંત્રીને મળવા માટે કોટડીયા લઇ ગયા હતા. જેમાં તેમણે ફરિયાદીની મુલાકાત ગૃહમંત્રી સાથે કરાવવાના બદલે મામલો પતાવી દેવા કહ્યું હતું. આરોપી જગદીશ પટેલ સાથે કોટડીયા સંપર્કમાં હતા. આરોપી પોલીસ કર્મીઓ બીટકોઇનને વટાવવા માટે મુંબઇ ગયા હતા. મુંબઇ સ્થિત કોટડીયાનો ભત્રીજો પણ શંકાના દાયરામાં છે. જગદીશ પટેલની ધરપકડ બાદથી નલીન કોટડીયા ભૂગર્ભમાં છે. કોટડીયાના ત્રણેય મોબાઇલ ફોન બંધ કરી દીધા છે.
નલિન કોટડિયા ભૂગર્ભમાં ઉતરી ગયા
નલીનભાઇ કોટડીયા પાસે જુદા-જુદા ત્રણ મોબાઈલ નંબર છે. જે તમામ ગઈ રાતથી જ બંધ હાલતમાં છે. પૂર્વ ધારાસભ્યને પણ હવે તપાસ કઈ દિશામાં જઈ રહી છે તેનો અંદેશો આવી રહ્યો છે. નલિન કોટડિયા ભૂગર્ભમાં ઉતરી જતા રાજકીય વર્તુળમાં પણ જાતજાતની ચર્ચાઓ ઉઠી હતી. મુંબઈ રહેતા તેમના ભત્રીજાની ભૂમિકા પણ આ કેસમાં જોવાઇ રહી છે. પોલીસ કર્મચારીઓ બીટકોઈન વટાવવા માટે પ્લેનમાં મુંબઈ ગયા હતા. ત્યારે કોટડીયા પણ હવે મુંબઇ પંથકમાં હોવાની ચર્ચા ઉઠી હતી.