સુરત: બિટકોઇન કૌભાંડમાં વીટીવીએ વધુ મોટો ખુલાસો કર્યો છે. સુત્રો દ્વારા મળતી માહિતી મુજબ સુરતમાં ગેરકાયદે ચલાતા બિટકોઇનના વ્યવહારમાં તવાઇ આવશે.તપાસ એજન્સીઓએ બિટકોઇનમાં ખાનગી રાહે તપાસ ચાલું કરી છે. ઇડી સીઆઇડી અને સીઆઇડી ક્રાઇમે ખાનગી તપાસ શરુ કરી છે. અંદાજે 10 હજાર કરોડથી વધારાનો સુરતમાં બિટકોઇનના વ્યવહાર થયો હોવાનું જાણવા મળ્યુ છે.
સીઆઇડી-ઇડીની ખાનગી તપાસથી સુરતમાં બીટ કોઇન જગતમાં ફફડાટ ફેલાયો છે. બિલ્ડરો અને હિરા વેપારીઓ બીટ કોઇનમાં કરોડોનો વ્યવહાર કરી રહ્યા છે. સુરતમાં બ્લેકમનીનું કામ બિટકોઇન અને ક્રિપ્ટો કરન્સીએ લીધું છે. બિટકોઇનથી સુરતમાં હવાલાના કરોડો રુપિયાનું ટ્રાન્જેકશન થઇ રહ્યું છે. ઇન્ડોનેશિયા અને તાઇવાન સુરતના બિટકોઇનના કેન્દ્ર બન્યા છે. મોટા સુરતી વેપારીઓની તાઇવાન અને ઇન્ડોનેશિયાની મુલાકાતો વધી રહી છે. સુરતમાં બિટકોઇનમાં 100થી વધારે એજન્ટો કામ કરી રહ્યાં છે.
ઉલ્લેખનીય છે કે મોટા નેતાઓ અને બિલ્ડરો પણ એજન્ટોના સંપર્કમાં છે. નાના-નાના રોકાણકારોના પણ કરોડોના નાણા બિટકોઇનમાં રોકાણ થયા છે. વીટીવીએ એક્સપોઝ કર્યું હતું કે સુરતમા બિટકોઇનનું નેટવર્ક ચાલી રહ્યું છે.બિટકોઇન ડેવલોપર સતિષ કુંભાણીના ધંધાનો પર્દાફાશ કર્યો હતો. સતિષ કુંભાણી સુરત છોડી હાલ વિદેશમાં રફુચક્કર થઇ ગયો છે. સતિષ કુંભાણી વિદેશમાં લકઝરીયસ લાઇફ સ્ટાઇલ જીવી રહ્યો છે. એજન્ટ દિવ્યેશ દરજી જિગ્નેશ ચોક્સી પણ દેશ બહાર છે. આઇટી અને સીબીઆઇ પાસે દિવ્યેશ જિગ્નેશ સહિતના એજન્ટનું લીસ્ટ છે.
ઉલ્લેખનીય છે કે સૌરાષ્ટ્રના અમરેલી અને ભાવનગરના કેટલાક નેતાઓએ પણ એજન્ટો દ્વારા રોકાણ કર્યું છે. દિવ્યેશ દરજી જિગ્નેશ ચોસી નામના બિટકોઇનના એજન્ટો કામ કરતા હતા. આઇટી અને સીબીઆઇ પાસે પણ દિવ્યેશ જિગ્નેશ સહિતના એજન્ટનું લીસ્ટ છે.
સુરતનો સતિષ કુંભાણી ગુજરાતમાં બિટકોઇનનો ડેવલપર હોવાનું માનવામાં આવી રહ્યું છે. સતિષ કુંભાણી હાલ વિદેશમાં સ્થાયી થયો હોવાની માહિતી મળી રહી છે. સીઆઇડી ક્રાઇમ વધુ તપાસ કરે તો બિટકોઇનનું મોટું કૌભાંડ બહાર આવી શકે છે તેવી માહિતી સૂત્રો દ્વારા પ્રાપ્ત થઇ હતી.