સુરત શહેરમાં ફરી એકવાર લેડી ડોન ભૂરીના બેખૌફ દાદાગીરી કરતાં આતંકના દ્રશ્યો સામે આવ્યા છે. સુરતમાં લેડી ડોન ભૂરીનો વાઈરલ થયેલ વીડિયોમાં ભૂરી હાથમાં હથિયાર લઈને પાનના દુકાનદારને ધમકાવી રહી છે.
સમગ્ર અહેવાલ પર નજર કરીયે તો સુરતના વરાછા વિસ્તારમાં ભૂરી હાથમાં છરી લઇ ખુલ્લેઆમ આતંક મચાવી રહી છે જેમાં તે એક ગલ્લો બંધ કરાવતી નજરે આવે છે.
આ વિડીયોમાં વીડિયોમાં ભૂરી સાથે અન્ય એક યુવક પણ દેખાઈ રહ્યો છે. જે દાદાગીરી કરે છે. આ બંનેએ હથિયારના દમ પર પાનની દુકાન બંધ કરાવી હતી. આ વીડિયો 21 મેનો હોવાનું સામે આવ્યું છે.
ભૂરીનો ખુલ્લેઆમ આતંક અને દાદાગીરી વધતા હવે વરાછા પોલીસે લેડી ડોન ભૂરી અને તેના મિત્ર રાહુલની ધરપકડ કરી છે ફરિયાદના આધારે વધુ કાર્યવાહી હાથ ધરી છે.
મહત્વનુ છે કે વરાછા વિસ્તારમાં સ્થાનિકો સાથે દાદાગીરી કરવાની પોલીસ સ્ટેશનમાં ફરિયાદ નોંધવામાં આવી હતી અને 500 રૂપિયાની લૂંટનો પણ ગુનો નોંધવામાં આવ્યો હતો. ત્યારે હવે પોલીસે લેડી ડોન ભૂરી અને રાહુલની ધરપકડ કરી છે.